تۆزی وشه

ڕاست ئه‌و ده‌مه‌ی ده‌بێ وشه‌کان به وریاییه‌وه به کار بێنی هه‌موو شت بۆت بێمانا ده‌بێ، ده‌ست ده‌که‌ی به زۆر گووتن و ورده ورده خۆت پێت سه‌یره ئه‌و هه‌موو شته بێمانایه چ بوو له ریزت داون؟ ده‌تهه‌وێ بێده‌نگ بی به‌ڵام ئامانت نادا ده‌ڵێ: بۆ دیسان بێده‌نگی؟ بیر ده‌که‌یه‌وه: ئه‌وه وه‌سه‌ر ته‌ڵه‌ت ناپه‌رێنێ بۆ ئه‌وه‌ی خۆت له خۆت وه‌شک که‌وی بۆ ڕاستی قسه‌کانت؟ چه‌نده ئه‌و قسانه بۆ خۆت مانای هه‌یه؟ چه‌نده ڕاستێکانی ژیانت بردۆته ژێر پرسیار؟ چه‌نده‌ت بۆ گرینگه باسیان بکه‌ێ؟ خۆت داوه‌تت کردووه بۆ ئه‌م ملمانییه ، ئێستا قوڕێکه‌ ده‌بێ بیشێلی! یا قسه‌ی زل مه‌که یا بیسه‌لمێنه... ئه‌و هه‌موو زۆر گووتنه‌ش بۆ سه‌لماندنی ڕاستییه‌که که قه‌ت بیرت لێنه‌کردووه بۆ ڕاسته!