دوێنێ ئه‌م وێبڵاگه بوو به دوو ساڵ، هه‌روه‌ها وێبڵاگی به‌رده‌قانی  .. یانی دوو ساڵه وێبڵاگ به كوردی هه‌یه، ئه‌و دوو ساڵه پڕ بووه له خۆشی و ناخۆشی.. خۆشێكان وه‌ك هه‌میشه ته‌مه‌نیان كه‌م بووه و له بیر چوونه‌وه، ناخۆشێكانیش ده‌ڵێی به ته‌ما نین له بیر بچنه‌وه... نازانم دوای دوو ساڵ هیچ شتێك به‌ره‌و چاكتر بوون چووه یان هه‌ر به ده‌وری خۆم دا سووراوم، بۆخۆم هه‌ستی پێ ناكه‌م!
ڕۆژه‌كانی هه‌وه‌ڵ كه ده‌ستم كرد به نووسین، هه‌ر نه‌مده‌زانی چ بنووسم، یان چۆن بنووسم! تاقه شتێكی بۆم گرینگ بوو ئه‌وه بوو كه شتێك هه‌بێ به نێوی وێبڵاگ نووسین به كوردی.. به‌ڕاست هه‌ر له هه‌وه‌ڵه‌وه به ته‌مای به‌رده‌وام بوونی خۆم بۆ نووسین نه‌بووم، پێم وا بوو كه له ماوه‌یه‌كی كورت دا وێبڵاگی كوردی ئه‌وه‌نده زۆڕ ده‌بن كه نووسین و نه‌نووسینی كه‌س وه‌به‌رچاو نایه، به‌ڵام به‌شی هه‌وه‌ڵی وای لێ نه‌هات، به‌شی دووهه‌م بۆچی! ئێستاش نووسین و نه‌نووسین وه‌به‌ر چاو نایه، به‌ڵام له به‌ر هۆێ دیكه!
ماوه‌یه‌ك ده‌مزانی چ بنووسم و زۆره‌بانیم ده‌گه‌ڵ چۆنییه‌تێكه‌ی ده‌گرت... دواتر زانیم چ نه‌نووسم و ئیتر بۆم گرینگ نه‌بوو چۆن بێ یا نه‌بێ... هه‌میشه نه‌كردن هاسانتره ! 
ڕاستییه‌كه‌ی ئه‌وه‌یه كه ئێستا هیچ ئه‌م وێبڵاگه‌م خۆش ناوێ، به‌ڵام وه‌كوو هه‌زاران شتی تر كه خۆشم ناوێن و له خۆمییان جیا ناكه‌مه‌وه‌ی لێ هاتووه... جارێ وه‌باڵی گه‌ردنمه تا كه‌ی بوێرم كوێری كه‌مه‌وه...


   

دیسان

ئه‌و ماوه‌یه كه‌مێك كارم زۆر بوو و پێ ڕانه‌گه‌ێشتم سه‌ری وێبڵاگه‌كانی كوردی بده‌م، دوێنێ دیتم به‌شێكییان ناكرێنه‌وه، ئه‌م وێبڵاگانه‌ی ناكرێنه‌وه
ده‌بێ دیسان ئاپدێت بنه‌وه یانی پۆستێكی تازه بنێرن، ئه‌گه‌ر به ته‌ما نین هیچی تازه بنووسن، هه‌ر شتێك بۆ تاقی كردنه‌وه بنووسن و دوایه پاكی كه‌نه‌وه...

Sick Nick

وێنه‌كه ده‌رناكه‌وێ، ئه‌وه لامبرد! به‌ڵام سه‌رچاوه‌كه با هه‌ر بمێنێ...

سه‌رچاوه

بڵاگێر نوێ بۆته‌وه و شێوه‌ی پۆست كردن و ‌ئێدیتۆره‌كه‌ی گۆڕدراوه، بۆ ئه‌وانه‌ی له ڕێی كه‌وێ نووسراوه‌كانیان پۆست ده‌كه‌ن هیچ گرفتێك نایه‌ته پێش، به‌ڵام ئه‌وانه‌ی له خودی بڵاگێر بۆ نووسین كه‌لك وه‌رده‌گرن ڕه‌نگه فۆنته‌كانیان بشێوێ و له زۆر شوێنان له جێی پیته‌كان "؟" ده‌ركه‌وێ... بۆ چاك كردنه‌وه ده‌بێ له به‌شی setting  بچن بۆ formatting و دوایه encoding بگۆڕن به universal (unicode UTF-8)  و دوایه save داگرن، ئینجا نووسراوه‌كه‌یان له سه‌ر ڕاوه پۆست كه‌نه‌وه.
بڵاگێری نوێ زۆر ڕێك و پێكتره له هی پێشوو و لێره ده‌توانی  كامێنتی خودی بڵاگێریش  به كار بێنی، له بابه‌ت تێمپلێته‌وه‌ش( چوارچێوه‌ی بڵاگ) به‌ره‌ی فراوانتر بووه. به‌شی یارمه‌تیدانی ڕێك و پێكتر بووه و ئه‌وه‌ی زمانی ئینگلیسی بزانێ ده‌توانێ به هاسانی خۆی به خوێندنه‌وه‌ی ئه‌م به‌شه هه‌موو فێڵه‌كانی بڵاگێر بۆی ڕوون ده‌بێته‌وه! هه‌ر وه‌ها به‌شی  عینوان(title)  و لینك ده‌توانی بۆ هه‌ر نووسراوه‌ت دابنێی و دواتر به كاریان بێنی!
شتێكی تاێبه‌تی تریشم وه‌به‌رچاو هات ئه‌وه دوایه لێره باسی ده‌كه‌م...
 

لێره هه‌مووكه‌س وه‌كوو تاكه‌كه‌س گرینگه! تاكه‌كه‌س مانای هه‌یه و بوونی تۆ وه‌ك تاكه‌كه‌س له زۆر جێگه‌دا وه‌به‌رچاو ده‌گیرێ، بۆیه ژماره‌ی ئه‌م تاكه‌ كه‌سانه گرینگن! به هه‌زاران شێوه و به پێشكه‌وتووترین شێوه ده‌تبژێرن! هه‌رچی وڵاته‌كان پێشكه‌وتووترن، تاكه‌كه‌سه‌كان نیزیكترن به ژماره و ڕه‌قه‌م و به وڕدی ده‌بژێردرێن... یانی بوونیانیان به هیچ شێوه‌یه‌ك نابێ ده‌ستی تێوه‌ردرێ  ده‌نا ئامار و ڕێژه‌كان دروست ده‌رناچن و ده‌شێوێن!
بڵێی من و تۆی ئاسایی بۆ ئاوا گرینگ بین له‌م وڵاته‌دا؟ بوونی ئێمه بۆ چی گرینگه؟ بۆ ویسته‌كانی ئێمه ئه‌وه‌نده گرینگه بۆیان و سووكێكی ئامار و نموداری( به كوردی ده‌بێته چی؟!) لێ ده‌ردێنن و گه‌وره‌ی ده‌كه‌نه‌وه بۆ باس و خواس له سه‌ری؟
من یانی پاره، تۆ یانی پاره... بوونی ئێمه گرینگه بۆ ئه‌وه‌ی له شوێنێك پاره‌ی بۆ كه‌سانێك پێك بێنین... بوونی ئێمه و ویستی ئێمه و چۆنییه‌تی ژیانی ئێمه ده‌بێته مایه‌ی قازانج بۆ كه‌سانێك كه نامانناسن و هه‌ر ژماره‌كانمان ده‌بینن!
چه‌ند ڕۆژ پێش بۆ برازاكه‌م كه هێشتا 2 هه‌فته‌ی ماوه له دایك ببێ، به‌سته‌یه‌كی پۆستی هات... ئه‌وه هه‌وه‌ڵ جاری نییه دیاری بۆ دێت هه‌رچه‌ند هێشتا له دایك نه‌بووه! ئه‌م دیارییانه له لایه‌ن خزم و كه‌س و كار و دۆست و ناسیاو نییه... به‌ڵكو له لایه‌ن  ئه‌وانه‌ن كه هێشتا هیچ نه‌بووه له سه‌ر قڕان به قڕانی ( ببورن پێنی به پێنی!) بوونی ئه‌و حیسابییان كردۆته‌وه! ده‌زانن كه به له دایك بوونی ئه‌و ژماره‌یه‌ك به موشته‌رێكانی ئه‌وان زیاد ده‌بێ و له هێشتاوه به پێشوازی هاتنی هاتوون... جارێك له بیری زگی دان كه چۆنی تێر بكه‌ن و 2 به‌سته شیری ویشكی بۆ ده‌نێرن! و جارێكی تر له بیری په‌ڕۆی خۆ پیس كردنی دان! له هێشتاوه دایك و باب و مناڵ به موشته‌ری خۆیان ده‌زانن و هیوادارن بوونی ئه‌م تاكه‌كه‌سه ژماره‌كان به‌رێته سه‌رێ! خۆ هه‌ر ئه‌وان نین، ئه‌رخه‌یانم ئێستا بانكه‌كان و شه‌ریكه گه‌وره‌كانیش بوونی برازا بێ ناوه‌كه‌میان وه‌به‌ر چاو گرتووه و بێ گوومان ده‌زانن تا بگاته ته‌مه‌نی 60 و 70 چه‌نده‌ی قازانج بۆ ئه‌وان پێك دێنێ! ئه‌وان هه‌ر به ژماره هاویشتوویانه‌ته ناو رێژه‌كانیانه‌وه به‌ڵام دایك و بابی هێشتا له سه‌ر ناوێك بۆ ئه‌و ساخ نه‌بوونه‌وه! سه‌ێر نییه؟

بۆ په‌ریله:

How many walls... (Combien de murs...)

First, a stone that flies into pieces
A strange dust, then a crash
Go outside, wake up all these people
Who've had an appointment for such a long time

A wall has fallen, a man turns round
Has he had a dream ? Has a page been turned ?
The rumor that already runs from city to city
We kiss, we weep, we remain motionless

Is he going round the bend, is he becoming crazy...
Even if his heart is happy, his eyes are woolly
How many armours, how many masks, how many graves
How many walls are hidden behind a wall which falls down ?

Some tears keep on flowing, nobody turns around
History forsakes the pages we divert
What sort of freedom will be able to talk about
When children come to ask...

"The walls we have in our minds
Are perhaps higher than yours
Why hasn't anybody ever stopped them ?
Of course we're going to break them down
But we'll never erase
The pains they have let... engraved !"

I had forgotten how ironic our history was
I had forgotten we had so little memory
How many tears, how many hates, how many shames
How many walls are hidden behind a wall which falls down

Am I becoming crazy ? Answer me, my eyes are woolly
In the name of who do we choose innocence
In the name of which freedom, which limpidity
How many walls... how many walls...
How many tears, how many masks, how many shames
How many walls are hidden behind a wall which falls ?
How many walls... how many walls... how many walls...

Patrick BRUEL

ده‌نگی هاڕه‌ی دڕیڵ به‌یانه‌ی زووی ڕۆژی دووشه‌مه‌ده‌ست پێ ده‌كا، هه‌موو ڕۆژێ تا ئیواره‌ به‌رده‌وام كابرای فه‌عله هه‌لده‌ته‌كێنێ و مێشكی سه‌ری ئێمه‌ش ده‌با... ده‌ڵێن هه‌ر هه‌ڵقه‌ندنی ئه‌و به‌شه 3 هه‌فته‌ی پێ ده‌چێ، به‌شه‌كه‌ی تر 3 هه‌فته‌تر.. گۆڕینی هه‌موو پاركینگ 9 مانگ ده‌گرێ... به‌قه‌را مناڵ بوونێك ده‌بێ چاوه‌ڕێی ئارامی ببین!
به‌هار له پشت په‌نجه‌ره‌كانه و له ترس هاڕه، په‌نجه‌ره داخراوه...
چه‌ند ساڵ پێش كه له جه‌هه‌نه‌می تاران ده‌ژیام، هه‌ر له كارێ را ده‌گه‌ڕامه‌وه، هه‌وه‌ڵ په‌نجه‌ره‌كانم داده‌خست، ده‌نگه‌كانم ده‌كوژانده‌وه، هه‌رچی ده‌نگی هاتبا مه‌حكووم به لاڵ بوون  بوو! دوایه داده‌نیشتم... ده‌مێك بوو ئه‌وه‌نده هاڕه‌م نه‌بیستبوو.. ئه‌و ده‌نگه مۆزاحیمه، ناهێڵێ هیچ بكه‌م ئیلا ئه‌وه‌ی گوێ بۆ ڕاگرم...
نه‌مده‌زانی جل شووشتنیش پیویستی به ئارامی هه‌یه... خۆم و سه‌وه‌ته‌یه‌ك جلی نه‌شووشتراو چاوه‌رێین ده‌نگ ببڕێ و به كاره‌كانمان ڕابگه‌ێن...

به‌رێزێك ئی‌مه‌ێلێكی بۆ ناردووم و داوای كردووه لێره داێنێم، سه‌باره‌ت به ئه‌و كتێبه‌ی به ته‌مام بینووسم... به‌س ئه‌وه‌نده‌ێ من بزانم من نه‌مگووتوه كه ئه‌و براده‌رانه‌ی سه‌ریان ده‌رووتێته‌وه ناشیرینن! به‌ڵكو به پێچه‌وانه ئه‌و كاته‌ی تێده‌كۆشن سه‌ر ڕووتی خۆیان  بشارنه‌وه ناشیرین ده‌بن... به‌و زه‌واده كارم به سه‌ری كه‌چه‌ڵی كه‌س نییه! هه‌موو خه‌تای "بایه" كه جار و بار هه‌ستی مرۆڤدۆستی من وا ده‌بزوێنێ كه بیر له قۆڵ هه‌ڵمالین  بۆ كاری خێر ده‌كه‌مه‌وه!
 


هائه‌وه‌ش ئێوه و نامه‌ی ئه‌م به‌رێزه:
.................................

گوڵه گه‌نم خاتوونی به‌ڕێز!

من جیرانێكی خۆتم كه زۆر سه‌ردانی ماڵه‌كه‌ت ده‌كه‌م. حه‌وتوویه‌ك له مه‌وپێش نووسراوه‌كه‌تم دی. ئه‌‌وه كه به نیازی كتێبێك له باره‌ی سه‌رتاسه‌كان دا بنووسی، كه دیاره به قه‌ولی خۆت هه‌رپیاویشن كه كه‌چه‌ڵ ده‌بن. له‌وه گه‌ڕێین كه تاقو لۆق ـ و زۆر له پیاوان كه‌مترـ ژنی كه‌چه‌ڵیش په‌یدا ده‌بن، كه ئیدی دوژمنیشت یاخوا نه‌یبینێ، چونكه له‌و حاڵه‌ته دا زۆر له پیاوان ناحه‌زتر ده‌بن، به‌ڵام ئه‌وان ده‌زانن چۆنی بشارنه‌وه كه له شوێندانانی غه‌مزه‌ی چاوی پیاوكوژیان كه‌م نه‌كاته‌وه. به‌ هه‌رحاڵ من نه كه‌چه‌ڵم و نه سه‌رتاسیشم پێ ناحه‌زن. به‌ڵام كاتێك نووسراوه‌كه‌ی تۆم دی، هێنده‌م به‌زه‌یی به سه‌رتاسان دا هات، كه ده‌موده‌ست ئه‌و شێعره‌ی خواره‌وه‌م بۆ هات. ئه‌وه بۆتی ده‌نێرم و داوات لێ‌ده‌كه‌م له لاپه‌ڕه‌‌كه‌ت دا داینێی. پێم‌خۆش نه‌بوو له به‌شی كامێنتی دانیم، چونكه ده‌مه‌وی خه‌ڵكێكی زۆرتر بیخوێننه‌وه  وبزانن ئه‌و سه‌ره تاسه بریقه‌دارانه حیكمه‌تێكیان له پشته‌وه‌یه و هه‌روا بێ ده‌لیل نه‌ڕووتاونه‌وه. با خوێنه‌رانیش هه‌م بزه‌یه‌كیان بێته سه‌ر لێو و هه‌م ئه‌وانیش داوه‌ری‌یه‌ك له‌و باره‌وه بكه‌ن.

                " حیكمه‌تی سه‌رتاسی"

گوڵه‌گه‌نم ئینسافت بێ، ئاوا مه‌كــــــــــــــــــــــه باســـــی پیاوان
حیكمه‌ت و فه‌لسه‌فه‌ی هه‌یه سه‌ری ڕووت و تاسی پیـــــــاوان

بۆ له گه‌ل "سێو" و "ته‌وار"ان تاسان ده‌ده‌نه به‌ر تــــــه‌شه‌ر
نازانن ئه‌و هه‌ژارانه چۆنیان له ده‌ست چوه تووكه ســــه‌ر!

تۆ كه‌ له‌ سه‌ر سه‌ربابردوان كتێب ده‌نووسی و ده‌شـــــــتوانی،
ده‌بێ حیـــــــــــــكمه‌تی بێ‌تووكیی ئه‌و كه‌چه‌ڵانه‌ش بـــــــزانی.

ناز و عیشوه‌ و غه‌مزه‌ی ژنه‌ ســـــــــه‌ری پیاوان ده‌وه‌رێـــــــنێ.
هه‌ر پرته‌ و بۆڵه‌ی ژنیشه‌ مێشكی پیاو هه‌ڵده‌ته‌كێـــــــــــــــنێ.

تاوێك وه‌فا، تاوێك جه‌فا، تاوێك تاریف، تاوێك لــــــــــۆمــــه‌
ئه‌وه‌یه‌ ئاكاری شۆخان، ده‌زانم ئــــــــــــــــه‌زموونی خۆـمــــــــه.‌

ده‌مێك باوه‌شی ئاواڵه‌، ده‌مـــــــــێك:" لا، سمێــــــــــــڵت زووره‌"
جارێك دوو له‌ش‌و‌یه‌ك په‌یكه‌ر،جارێك‌ماچیش‌خه‌تی سووره.‌

جه‌وری گوڵی وه‌ك ئێوه‌یه‌ ســـــــه‌ری پیـــــاوان كه‌چه‌ڵ ده‌كا،
بێ‌وه‌فایی ژنی شۆخه‌ پیاو له‌ حاســــــــت ژین ته‌مبه‌ڵ ده‌كا.

كه‌ وابوو قسه‌م ببیسه‌ و به‌ پێشــــــــــــ‌ـــــــنیاری من بــــــــــــــكه.‌
غه‌یبه‌تی پرچی په‌خشان و چاوی خــــــــــــوماری  ژن بــــــكه!‌

            ‌‌هه‌ر بژی و سه‌ركه‌وتوو بی!      
                                       ‌‌هه‌ڵبه‌ستوان: ئاژوانه زێڕه