دونیای ئینتێرنێت هه‌ر دێت و به‌رفراوانتر ده‌بێ و ئه‌گه‌ر نه‌زانی چۆن له‌م دونیایه‌دا بگه‌رێێ زوو تێیدا ون ده‌بێ! ڕه‌نگه هه‌ر گوگڵ بتوانێ شوێنی ئه‌م هه‌موو ماڵپه‌ڕانه‌ی رۆژ به رۆژ ئیزافه‌ ده‌بن بگرێ...
پێشتر باسی ویکیپێدیام کردبوو که ئه‌نسیکلۆپیدیایه‌کی ده‌رگا ئاوه‌ڵه‌یه، ڕۆژ به ڕۆژ ویکی دێت و به‌رفراوانتر ده‌بێ و خه‌ڵکێکی زۆرتر هاوبه‌شی په‌ره‌پێدان و هه‌روه‌ها که‌ڵک وه‌رگرتن له بابه‌ته‌کانی ده‌بن. ویکی به پێی یاسای GNU که پشتیوانی له سافتوێره‌کانی به‌لاش ده‌کا ده‌جووڵێته‌وه. به پێی ئه‌م یاسایه له جێی کۆپی ڕایت یاسای کۆپی لێفت copyleft هه‌یه به‌م مانایه که هه‌ر که‌س بۆێ هه‌یه له‌ به‌رهه‌می ئه‌م پرۆگرامه که‌ڵک وه‌رگرێ و کۆده‌کان به‌لاش دابه‌زێنی و ده‌ستی تێوه‌ردا و بیگۆڕێ به شه‌رتی ئه‌وه‌ی به‌رهه‌می ده‌ستکاریکراو له به‌ر چاوی ئه‌وانیتر دانێته‌وه و خۆێ بخاته‌وه ناو یاسای سه‌ره‌کی گنو!
ئێستا که ده‌مهه‌وێ زۆر بابه‌تی تێکنیکی بخه‌مه ئێره، زوو به زوو ده‌چمه زگ ویکی بۆ دیتنه‌وه‌ی ماناکان!
زمانی کوردی زمانی ناسراوه له ویکی و تا ئێستا (ئه‌مرۆ) 1875 بابه‌تی به کوردی تێدایه.
...............................................................................................................
ئێستا وێبڵاگئاوای ئێمه له چاو وێبڵاگه‌کانیتر زۆر زۆر بچووکه، که‌س ژماره‌ی وێبڵاگه‌کان نازانێ . بۆ هاسانی له دوای بابه‌ت گه‌ڕان ماڵپه‌ڕی تێکنۆڕاتی Technorati لکی زۆرتر له 11 میلیون وێبڵاگی ڕاگرتووه و بۆ هاسانی گه‌ڕان له ناو وێبڵاگه‌کان دامه‌زراوه!
کاتێک خۆتان لک ده‌که‌ن به ئه‌م ماڵپه‌ڕه ئه‌وانیتریش له ئێوه ئاگادار ده‌بن. تێکنۆراتی گه‌وره‌ترین ماشێنی گه‌ڕانی وێبڵاگانه! بۆ ئه‌وه‌ی بزانن کێ له کوێ لینکی داوه به ئێوه‌ش له تێکنۆڕاتی ده‌توانن که‌ڵک وه‌رگرن.
.................................................................................................................
ڕه‌نگه ورده ورده شێوه‌ی ئادره‌سدان بگۆڕێ و له جێی ئادره‌سی شه‌قام و کوچه و ماڵ به‌س ئادره‌سی شه‌به‌که‌یه‌ک که پێی وه‌سلی ئینتێرنێت ده‌بی بده‌ی. ماڵپه‌ڕی پلێیزPlazes ئه‌م هه‌ڵه‌ت ده‌داتێ نه‌خشه‌ی دونیا به شێوه‌یه‌کی نوێ دابمه‌زرێنێ . ئێستا من ئه‌م شوێنه‌ی لێی به ئینتێرنێت وه‌سڵ ده‌بم یانی ماڵی خۆمانم وه‌ک شوێنێکی نوێ ناونووس کردووه به ناوی گوڵه‌گه‌نم! نه‌مردم و شوێنێکم به نێو کرا! ئه‌گه‌ر بچنه ناوێ به google map ده‌توانن سه‌ربانی ماڵه‌که‌مان ببینن!‌
من و له‌پتاپه‌که‌م بچێنه هه‌ر شوێنێک ئه‌گه‌ر ئه‌م شوێنه که‌س له پلێیز دا به ناوی خۆی نه‌کردبێ من ده‌توانم دیسان به ناوێک که حه‌زم لێیه‌تی بیناسێنم. له داهاتوو دا ئه‌وه ده‌توانێ بۆ دیتنه‌وه که‌سێک به سوود بێ وه‌ک به‌عزه سرویسێک که له سه‌ر ماشێن و ته‌ڵێفوونی مۆباێڵ هه‌یه!

لێره له سه‌ر هه‌مو ئه‌م سرویسانه‌ی که به شێوه‌یه‌کی نوێ مرۆڤان له یه‌ک نزیک ده‌که‌نه‌وه، وتارێکی تاێبه‌ت نووسراوه !

لێره و له‌وێ!

ئه‌مرۆ هاوکلاسییه‌که‌م، ئه‌ناند، وه‌ک هه‌میشه که شتێکی نوێی ده‌دۆزێته‌وه و پێی دڵخۆش ده‌بێ و به په‌له خۆێ ده‌گه‌یه‌نێته من تا بۆم باس کا هات و گووتی دوێنێ شه‌و له چه‌ت دا تووشی کابرایه‌کی زۆر زانا له بواری داتابێس بووم، زۆر شتی لێ فێر بووم و هه‌موو وتاره‌کانی که سه‌باره‌ت به لێکۆلینه‌وه‌ی سه‌ر داتابێس بوو دامبه‌زاندووه ها بیبینه! پاڵمه‌که‌ی دامێ که وتاره‌کان ببینم... پرسیم: کابرا ماڵپه‌ری تاێبه‌تی هه‌یه؟ وه‌ڵامی داوه : نا وێبڵاگی هه‌یه، هه‌ر ئه‌وه‌ی تۆ باست ده‌کرد ، به‌س وه‌ک تۆ شتی بێتام نانووسێ!
ئه‌وه ئێستا ئه‌ناندیش وه ته‌ماح که‌وتووه وێبڵاگ دانێ و خۆی بخاته ڕیزی زانا و لێزانان! ده‌ی با بزانین چ ده‌کا!
وێبڵاگی کابرای لێزانی داتابێسم دۆزییه‌وه و به ڕاست دیاره سه‌ری له‌م ئاشه‌دا سپی کردووه و ئه‌م هه‌تیوه‌ش له‌خۆڕا تاریفی نه‌ده‌کرد! ئێستا بیرم کرده‌وه من ڕۆژانه به پێی ده‌رسێک که ده‌ێخوێنم له مامۆستا و هاوکلاسێکانم لینکی زۆر به سوود سه‌باره‌ت به تێکنۆلۆژی نوێ وه‌رده‌گرم، زۆریان بێ ئه‌وه‌ی چاو لێبکه‌م له گۆشه‌یه‌ک ده‌نووسمه‌وه و زۆر جار له بیرم ده‌چێته‌وه ئه‌و شته‌م بۆ نووسیوه‌ته‌وه! باشه بۆ ئه‌م لینکانه و بابه‌تانه هه‌ر لێره نه نووسمه‌وه، ئه‌گه‌ر به سوودی که‌سیش نه‌بێ دوایه بۆخۆم ده‌توانێ وه‌ک بیره‌وه‌ریه‌ک وا بێ!؟ ئه‌گه‌ر به که‌لکی که‌سێکیش هات چ باشتر!‌
ئه‌وه بڕیارم دا وا بکه‌م جا بزانم چه‌نده‌م پێده‌کرێ بینێرمه سه‌ر ئێره!

په‌ڕتووك

ماڵپه‌ڕی په‌ڕتووك وێبڵاگ نییه به‌ڵام بابه‌ته‌كه‌ی بۆ وێبڵاگیش ده‌بێ، بۆیه كاتێك كه خاوه‌ن ماڵپه‌ڕ داوای لێكردم كه لینكێك له وێبڵاگی خۆم بۆ ئه‌م ماڵپه‌ڕه‌ دانێم بڕیارم دا بیخه‌مه ڕیزی وێبڵاگئاوا. پێم وایه په‌ڕتووك ده‌توانێ ماڵپه‌ڕێكی زۆر به سوود بێ بۆ ئه‌م كوردانه‌ی حه‌زیان له كتێب خوێندنه‌وه‌ به كوردیه و ده‌ستیان پێی ڕاناگا! خۆش ده‌بێ ئه‌گه‌ر نووسه‌ره‌كان و وه‌رگێره‌كانیتریش قۆڵ هه‌ڵماڵن و ئه‌م ماڵپه‌ڕه ئاوه‌دانتر بكه‌نه‌وه.
......................................................................................................
پێم خۆش بوو زۆر شت له سه‌ر ڕووداوه‌كانی ئه‌م ماوه‌یه‌ی ڕۆژهه‌ڵات بنووسم به‌ڵام هه‌ست ده‌كه‌م بۆم نییه زۆری له سه‌ر بڕۆم، به‌س ئه‌وه‌نده ده‌زانم شتێك لێره‌دا ناكۆكه، سه‌رهه‌ڵدانی ئێستای كورد له سه‌ر ڕق و تووڕه‌یی زۆر به هاسانی ده‌توانێ ببێته به‌یانوویه‌ك بۆ ده‌ماركرژان تا كورد زۆرتر سه‌ركووت بكه‌ن! ئێران تووشی ئاڵ و گۆڕێكی قودره‌ت بۆ و ڕه‌نگه دیسان وه‌ك هه‌میشه كورد ببێته گۆشتی قوڕبانی جێژنی دامه‌زرانی ده‌مارگرژان... پێم خۆش نییه به كه‌س بڵێم بێده‌نگ دامه‌نیشه و حه‌قی خۆت بستێنه.... كورد زۆر ته‌نیاتره له‌م قسانه!
..........................................................................................................