سه‌مای خۆت

ئانتۆنیا له وڵامی نه‌تیجه‌كه‌ی دا كه ده‌پرسێ " ژیانی دوای مردن هه‌یه؟" ده‌ڵێ "هه‌رچی هه‌یه ئه‌و گه‌ڕه‌ی هه‌ڵپه‌ركێیه، سه‌مای خۆت بكه"

كه‌س نییه پێی خۆش نه‌بێ ده‌رفه‌تێكی‌تری پێبدڕێ بۆ دیسان ده‌ست پێكردنه‌وه... دیسان تاقیكردنه‌وه...
ره‌نگه ژیانی به‌رچاوی شانۆگه‌رێك كه ده‌توانێ هه‌موو به‌یانه‌یه‌ك به شێوه‌ییكی نوێ ده‌ست پێ بكاته‌وه دڵڕفێن بێ! هه‌رچی دوورتره له خودی خۆی، نزیكتره له‌م نه‌خشه‌ی ده‌ێنونێ... وه‌ك لاپه‌ره‌یه‌ك كه بۆ دووباره نووسین ده‌بێ نه‌خش و نیگاری پێشووی له سه‌ر نه‌مابێ....

ویستت وه‌ك ئه‌وان له رۆژی نوێ دا ، ده‌سپێكێكی نوێت هه‌بێ... ده‌ستت كرد به پاك كردنه‌وه‌ی ئه‌وه‌ی نابێ بمێنێ، وه‌ك تۆزته‌كێنی ماڵ... به‌شێك پاك بۆوه و به‌شێكی‌تر خۆی پاك بۆوه به‌ڵام جێی نه‌خشی خۆی هه‌ر هێشته‌وه .. ئێستا ئه‌وه لاپه‌ره‌یه‌كه سپی نییه و ... ره‌ش كراوه‌كانی ناخوێنرێنه‌وه! لاپه‌ره‌یه‌كی به‌ڵه‌ك كه ئیتر بۆ دووباره نووسینیش نابێ... له بیرت چوو، هه‌ر ئه‌و گه‌ڕه‌ت هه‌یه!