دوای پیاسه‌ی نێوان چه‌ند وێبڵاگ فاڵی مامۆستا هێمن ئه‌وه‌ی هێنا!

له مه‌ێدانی شه‌ڕانخێوی خه‌بــــــــــاتی قه‌ڕنی بیسته‌مدا
سه‌رم سوڕما كه ئه‌سپی شۆڕه‌سواری كوردی بۆ وه‌ستان

وه‌ڵامی دامه‌وه پیرێكی ئازاده‌ی جیهـــــــــــــــــــــــــــــــاندیده
خه‌تای سواران نه‌بوو پێش سواره‌كانمان قوڕس و ناوه‌ستان

........

ده‌مێك بوو پیاسه‌ی نێوان وێبڵاگ ئاوام نه‌كردبوو و له زۆر شت بێ خه‌به‌ر بووم!... مه‌به‌ست ئه‌وه‌یه كه نامهه‌وێ غه‌ێبه‌تی كه‌س بكه‌م و نه‌قڵ و باسان دامه‌زرێنم! به‌ڵام ئه‌و نه‌قڵێ  قالۆنچه‌كان و فێمینیسته‌كانی ته‌وار گه‌لێك خۆش بوو!
پێم وایه بابه‌تێكی گه‌ڵێك گرینگه كه وتاری دوور و درێژی له سه‌ر بنووسرێ...( كچێ كه‌ژاڵ نه‌رۆی با ئه‌م بابه‌ته گرینگه له كیس خۆمان نه‌ده‌ێن! )...
به ته‌ما بووم باسی لێكدانه‌وه‌ی قالۆنچه و فیمینیست دانێم بۆ ئه‌و كاته‌ی ئه‌م كیژۆلانه فێریان كردین فیمینیزم چییه و فیمینیست كێیه؟ به‌ڵام تا ئه‌و كات باسه‌كه ده‌مرێ و چاومان به ده‌رگاوه خێڵ ده‌بێ!
راستییه‌كه‌ی ئه‌وه‌یه من نازانم فیمینیزم چییه، به‌ڵام چاك ده‌زانم قالۆنچه چییه... هه‌تا بڵێی زۆریشی لێ ده‌ترسێم... نه‌ك بڵێی هه‌ر قالۆنچه، له هه‌ر جانه‌وه‌رێكی بجووڵێته‌وه و زه‌ق و زیندوو له ده‌ور و به‌رم بێ ده‌ترسێم... ئیتر خۆتان بزانن چ ده‌كێشم كاتێك دراوسێیه‌كه‌مان به خۆێ و سه‌گه‌كه‌ی له ئاسانسۆری ماڵێ لێم وه‌ژوور ده‌كه‌وێ!!! هه‌ر بینا رۆژێك له یه‌كێك له‌م ئاسانسۆرانه دا ترپه‌ی دڵم راوه‌ستا و شه‌هیدی رێی ترسان له سه‌گ بم!
ئه‌وه‌نده‌ی له بیرم بێ من هه‌ر له مناڵێوه زۆر ئازا و نه‌ترس نه‌بووم، به‌لكو هه‌میشه له قالۆنچه ترساوم! به‌ڵام  بۆ به‌دبه‌ختییان من تاقه كچی نێوان 6 كوڕان بووم و هه‌وه‌ڵ كچ پێش من 6 ساڵ له من  گه‌وڕه‌تر و هه‌وه‌ڵ كچی دوای من 6 ساڵ له من بچووكتر بوو... (ئه‌م سێ شه‌شه خه‌ته‌ره، ده‌ڵێن 666 نیشانی شه‌ێتانه!!!)
حاشا حازری وه‌ك ده‌زانن كوڕان پێش مێشكییان جه‌سته‌یان گه‌وڕه ده‌بێ و بۆیه كاتێك خۆ به دار و دیوار داده‌ده‌ن مه‌نزوریان نییه و به به‌دفه‌رێوه  گه‌وڕه ده‌بن، ده‌ی منیش ئه‌گه‌ر چی ده‌مزانی ئه‌م به دار و دیوار هه‌ڵچوونانه لاق و په‌ڵم بریندار ده‌كا و هه‌ر بینا خوای نه‌خواسته ملیشم بشكێنێ، به‌ڵام وه‌دوای ئه‌م 6 كوڕه به‌دفه‌ره ده‌كه‌وتم! چار نه‌بوو ده‌بوو له‌گه‌ڵ كه‌سێك یاریم كردبا! هه‌ر ئاوا ناوبانگی خراپم ده‌ركرد به نه‌ترس بوون و ئازا بوون! دار و دیوار و شه‌ڕه قۆچه‌قانی و تۆپێن و ئه‌وانه هه‌موو تاقه‌ت ده‌بوون به كه‌مێك بێعاری و به‌دفه‌ری...هه‌ر جاره‌ی كچ بوونی منیان به چاو داده‌ماوه و ده‌یانگووت كه بۆ وێنه ئه‌و كاره‌م بۆ ناكرێ، من ده‌كه‌وتمه سه‌ر ڕق و باشتر له‌ ئه‌وان كاره‌كه‌م ده‌كرد!... ره‌نگه ئه‌گه‌ر ئه‌وده‌م ناوی فیمینزمیان زانیبا ده‌یانگووت ئه‌وه من فیمینیستم!!! و تاقه‌ت ناهێنم هیچم له ئه‌وان كه‌متر بێ! شكوور ئه‌وده‌م نه فیمینیزم هه‌بوو و نه قالۆنچه!...
ئه‌و كاته‌ی قالۆنچه‌كان په‌ێدا بوون، كوڕه‌كانیش به‌ڕ بڵاو بوون و كه‌مییان مانه‌وه... قالۆنچه‌كان له هه‌موو شکڵ و مۆدێڵ و ساێزێك دا هه‌بوون و به‌س شتێكیان وه‌كوو یه‌ك ده‌چوو... هه‌موویان به گشتی منیان ده‌ترساند... و ئێستاش ده‌مترسێنن(شكوور لێره قاتی قالۆنچه‌یه!!!)... هه‌ر ئه‌و كات ناو و نیشانی فیمینیزمیش ده‌ستی پێ كرد و له هیچ و خۆڕایی تا قسه‌یه‌كم ده‌كرد ده‌یانگووت ئه‌وه لێمان بووی به فیمینیست؟ به كورتی هه‌ر به‌م شێوه‌ی به هه‌ڵه ئازایان كردبووم، هه‌ر ئاوا كردیانم به فیمینیست!
چا نه‌بوو فیمینیست بوون حیزب و ده‌سته‌ و شتی ئاوای نه‌بوو، ده‌نا ئه‌گه‌ر له سه‌ر ئه‌م نێو و نڕكانه‌ی كه له سه‌ریان دانابووم تووشی زیندان و به‌ندیخانه‌ی بووبام ، به‌س بوو قالۆنچه‌یه‌كم له باڵ باوێن ئه‌وكات هه‌ر كه‌سم ده‌ناسی پێوه‌م ده‌كرد و خۆشم سه‌رۆك حیزب ده‌ناساند!
ئێستا‌‌ش بۆم روون نه‌بۆته‌وه فیمینیزم چییه، بۆیه نازانم به‌راست فیمینیست هه‌م یا نا، به‌ڵام راستی قالۆنچه زۆر بۆ من ڕوونه و ده‌زانم لێی ده‌ترسێم! ئه‌و براده‌رانه‌ی حه‌زیان لێیه ناوی فیمینیستم لێ بنێن، تكایه ئه‌م به‌شه‌ش پێوه‌ی زیاد بكه‌ن: فیمینیستێكی له قالۆنچه ده‌ترسێ!
ده‌ی داده ، پێت وایه فیمینیزم و قالۆنچه پێوه‌ندیان په‌ێدا كرد یا نا؟

  

 

شه‌یتان ده‌ڵێ باشتره ده‌رب و دۆڵاگی ئه‌م وێبڵاگه داخه‌م و كه‌م كه‌م ده‌ست له سه‌ر نووسین لێره هه‌ڵگڕم به‌ڵام كورده نامووسی ناهێڵێ و وه‌ك چه‌قه به بوونی ئێره‌وه نووساوه...  مادام نووسینی بێ تام و بێ خه‌ته‌ر مابێ ئه‌وه ده‌ێنووسم و ته‌ركه وێبڵاگ ناكه‌م... به‌ڵام له‌مێژه هه‌ست به سه‌ربه‌ستی نووسین لێره ناكه‌م... "میوان" گووته‌نی بوومه سانسۆرچی، به‌س ئه‌وه‌ی میوان ناێزانێ ئه‌وه‌یه كه من له‌مێژه بووم به سانسۆرچی خۆم.... جارێك كاتی بیركردنه‌وه خۆم سانسۆر ده‌كه‌م، جارێك كاتی نووسین، جارێكیش ئه‌و كاته‌ی پێیدا ده‌چمه‌وه... بۆیه كاتێك كه شتێك پابلیش ده‌كه‌م قه‌ت ئه‌وه نییه له هه‌وه‌ڵه‌وه به ته‌مای نووسینی بووم... ئه‌وه وا هه‌ڵكه‌وت كه كاتی دوای نووسینیش به یه‌كجار نووسراوه‌ی خۆم لابرد!
مادام بێجگه له دۆست و هاورێیان خۆشك و برا و خزم و كه‌س ئێره ده‌خوێننه‌وه زه‌حمه‌ته من بتوانم لێره به دڵی خۆم بنووسم. جارێك دۆست لێم تێناگا، جارێك خزم نیگه‌ران ده‌بێ، جارێك یه‌ك ده‌ڵێ بۆ ئاوا ده‌نووسی؟ .... هه‌ر لێی گه‌رێ....
 پێم وایه به‌س كاتێك ده‌توانی سه‌ربه‌ست و به دڵی خۆت بنووسی كه كه‌س نه‌زانێ تۆ كێی و نێو و نیشانیشت ون بێ! شه‌ێتان ده‌ڵێ وێبڵاگێكی تر بكه‌وه و به  دڵی خۆت فه‌رمایشتان بفه‌رموو! هه‌ر وه‌ها شه‌ێتان ده‌ڵێ : نه‌ نووسی باشتر، پێت وایه زۆر گرینگه ده‌نووسی یا نانووسی؟
شه‌ێتان زۆر قسه‌ی تریش ده‌كا و نازانم بۆ وڵامی ناده‌مه‌وه... خۆ زۆر پیاوی چاكه!

حه‌سو...سپاس بۆ تێبینیت، و هه‌روه‌ها قژلول ببورن كامێنته‌كانتان فه‌وتا!

��??� : ߍ? �?��? ���� �?�����...
����? ��???: ߍ� �������? �?�� ���? �?��? ��� ���� ��?�� ����? �? ��?�ǐ��... �� �? ��?�? �?� �?!
��??�: �?��� �?�� ���? ������ ���� ��� ���?����? ���? ��??� ��� ����� �ю� ... ������? �?���?��? ���!
��??: ߍ? �?�� ��� ��� ���? ��ϡ ����? �?�����? ���?... �?���?��? �?� �?�� ���� ����? �??�!
���?�: ���� ���?� ���? � �?�?? �??��? �?��? �?? ����.. �? �����? � ���� � ����!
��� ����? �� ��� ��� ������ ���?�� ���� � ���? �������? ��� ߍ� �� �?���?��? ������� ?�� �? �?���?��? ���� ����?... ߍ?�? �?��� 10 �?� �� �?��? �?�坁��?��... ������� �� ��� ���? �?? �?? ���坐�? � �� ����?� ����� �?�������? �?��? �?? �� ���? �� ���坁?�?... ���? � ���?���? �?��? �??! �? ��� �?���?��? ���� ����� �� �������� ��� ���� ���� ��?� �?�� ���� ��?��?� ����� �?� �?���? �������� ���? � �� ��� �����! � �?���?��? �?!!
�?� ����? �?�� �?��? ����� � ���?��� �� ���?��.. �����?? ��� �?���?��??�?� �� ����� ��??Ȏ?�? � �?��� ���? ����� ��� ���������... ���?� � �? �?��... ������ ���? ���?�? �?�?���� �� ��� ��?��? ��� ��?�?�? ���?� ���? ��������� � ����? �坐��� �?���? ��� ?� ��... ������ �?? �� ��� �??�� �����? �� ���?�� �� �?? �?�������? �?? ��?������� ��?�� �坐�� ??�?� ����? ?�� �?�� �?�? � ��� �?������ �����? �? ������ �?�����? �??? �?� �?... �?� �������� ���?...
���� �?���� ����? ����? ����? �? ��?� �?� ����� �� �?��? ���??� ��?�� ��?���? ��?��? �?? �?�?... ?��� �? �������? �?��?�? �� �?�? �??����...
��� ��� �� ��?�?�� �?� �?�?�� �?���� �?� ....

����� ?��?���:

����� �� �坐�? ������ �?��?�? ���?��
�?�� �� ���� �?��� �?�?�? ������

"���?"

���? ���? �����? �� ���� �� �?�? ��?��? �??� �??� �?? �������� ��� �� �!

یه‌ك ڕه‌نگم و بێ ڕه‌نگم و ڕه‌نگین به هه‌موو ڕه‌نگ
به‌م ڕه‌نگه ده‌بێ ڕه‌نگ ڕژیی عیشقی حه‌قیقی
" نالی "

ئه‌م به‌ێته چۆن هاته ئێره و مه‌به‌ست چێیه؟ ... مه‌به‌ست هیچ نییه، هه‌ر بێكار بووم و كتێبی "ده‌سته و دامانی نالی" م ده‌ست دایه و له سه‌ر ئه‌م به‌ێته كراوه... بڵێین جورێك فاڵی نالی، به‌س بۆ ته‌فسیر نابێ!

راستێكان و ناڕاستێكانی ئینتێرنێت

سه‌رنجتان داوه‌تێ كه ئینتێرنێت وه‌كوو هه‌موو مێدیایه‌كی تر چه‌نده بیر و بۆچوون و فه‌رهه‌نگ و كرده‌وه‌ی مرۆڤه‌كانی گۆڕیوه؟ به تاێبه‌ت گۆرانی پێوه‌ندی مرۆڤه‌كان له‌گه‌ڵ یه‌ك ؟
بڵێی تا ئێستا چه‌نده ئه‌م پرسیاره‌تان له خۆتان كردبێ كه ئه‌م ئاڵ و گۆڕانه چاكه‌ی زۆرتره یان خراپه؟
یان بڵێین چه‌نده ئه‌م پێوه‌ندیانه بناخه‌ی ڕاست و ڕه‌وانی هه‌یه و چه‌نده‌ی ناراست و درۆ؟
هه‌شت ساڵ پێش كاتێك بۆ هه‌وه‌ڵ جار هاوكاره‌كه‌م دیت كه ده‌گه‌ڵ ده‌ستگیرانی له رێی ئینتێرنێته‌وه قسان ده‌كه‌ن (هه‌ڵبه‌ت وت و وێژێكی له خه‌ڵوه‌ت دا نه‌بوو!!!) پێم خۆش بوو هه‌ڵێك هه‌ڵكه‌وتبا منیش ئه‌م مێدیایه به تاقی كه‌مه‌وه و ئه‌م ده‌ستووره‌ی  talk  به شێوه‌یه‌ك به كار بێنم! ناچار هاوكاره‌كه‌م جێی خۆی دا به من كه من له‌گه‌ڵ ده‌ستگیرانی ئه‌و باسی فیلم و سیاسه‌ت بكه‌م ( خوا بمبه‌خشێ نه‌م ده‌زانی بووم به دڕووی مه‌م و زینی له ژوورێكی گشتی چه‌ت!) 
چه‌ندین ساڵ تێپه‌ر بوو و منیش هاتم بۆ ئێره و  زۆرتر له‌گه‌ڵ دونیای ئینتێرنێت  تێكه‌ڵاو بووم، به‌ڵام زۆر دره‌نگ كه‌وتمه ناو داوی چه‌ت و چه‌‌قه‌خانه‌ و ئه‌م شتانه... هه‌وه‌ڵ شوێنیش كه چه‌تم لێ تاقی كرده‌وه و هه‌ر له‌وێ را تووش هاتم ، خوا لێخۆشبوو چه‌قه‌خانه‌ێ ماڵپه‌ر بوو! ( كاكه  ئه‌وه به‌زم بوو تووشی ئه‌و عاڵه‌مه‌ت كرد؟)
دوای ماوه‌یه‌كی كه‌م تووشم به تووشی ئه‌م په‌ریله‌یه هات (كه ئێستا نه‌ماوه!) و له‌و ده‌مه‌وه‌ هه‌رچی ده‌كا نه‌جاتی نایه له ده‌ستم! ده‌گه‌ڵ په‌ریله زۆر هاورێی online ی تریشم دۆزێوه و به‌شێكیان هه‌ر ئێستاش هاورێن و دوستایه‌تیمان زۆرتر و زۆرتر ده‌بێ و به‌شێكیشیان ... هه‌ر لێی گه‌ڕێین!
په‌ریله، ته‌وار، به‌رده‌قانی... ئه‌وانه پێش ئه‌وه‌ی بیانبینم و بیانناسم له رێی چه‌ته‌وه بووین به هاورێ و دۆستی یه‌ك... به‌هانه ده‌یتوانی بابه‌ته‌كی هاوبه‌ش یان قسه‌یه‌كی سه‌رنجراكێش یان دۆستێك بێ بۆ ئه‌م پێوه‌ندیه... به‌ڵام هیچ بڕوایه‌ك به ڕاستی یان ناڕاستی ئه‌م شته‌ی له‌م پێوه‌ندیه دا ده‌مبیست نه‌بوو.

چاوێك له ئێمه‌ی مرۆڤ كاتێك كه online و كاتێك كه offline هه‌ین بكه‌ن:

كاتێك كه online هه‌ین، ناو و نیشان، ته‌رح و دیدار، جنسیت، كرده‌وه و بڕوا به ده‌ست خۆمانه و شاردراوه، تا چه‌ندی ڕاست یان ناڕاست بین.. هه‌وه‌ڵ شتێك كه ده‌ێگۆڕین ناوه‌كه‌مانه! باقی شته‌كانیش هه‌ر خۆمان ده‌زانین چه‌نده ناڕاستی تێدایه، یان شاردراوه‌یه...

كاتێك كه offline هه‌ین( پێوه‌ندی ڕاسته‌وخۆی مرۆڤان له‌گه‌ڵ یه‌ك)، ته‌رح و دیدار، جنسیت و كه‌مێك له كرده‌وه ناتوانێ شاردراوه بێ (یان كه‌متر هه‌ڵده‌كه‌وێ شاردراوه بێ)... ناو و نیشانی ڕاست دۆزینه‌وه هاسانه و بۆیه كه‌متر درۆی تێدایه! بڕوا و كرده‌وه‌ش كاری به off و on بوون نییه، هه‌ر زه‌حمه‌ته تێیبگه‌ی!

به‌ هه‌ر دوو شێوه مرۆڤ پێوه‌ندی ساز ده‌كا و هه‌روه‌ها ئه‌م پێوه‌ندیه هه‌ڵده‌وه‌شێنێته‌وه و له هه‌ر دوو شێوه دا ڕاستی و ناڕاستێكان ده‌بێته بناخه‌ی پێوه‌ندی... به‌ڵام شاردراوه بوونی ڕاستی و ناڕاستێكانت online زۆرتر به‌رچاوه  چوون مرۆڤ كه‌متر فێری ئه‌م مێدیایه و وا ده‌زانێ مادام ماسكێكی گرتۆته به‌رچاو بۆی هه‌یه هه‌رچی ده‌نوێنێ بێت!

شاردراوه بوونی پێوه‌ندی online قازانجی خۆی هه‌یه و گرفتیشی تا بڵێی هه‌یه! گرفته‌كانی خۆتان ده‌زانن چییه، هه‌مان گرفتی دونیای دڕۆ! 

به‌ڵام  قازانجه‌كانی ئه‌م شاردراوه بوونه خۆی هه‌لێكت بۆ دروست ده‌كا كه تۆ بێ پێش داوه‌رێ له‌گه‌ڵ مرۆڤه‌كان پێوه‌ندیت هه‌بێ، بێ ئه‌وه‌ی ڕه‌نگ و روخساریان ببینی، ته‌مه‌نیان بزانی، یان بزانی ژن یا پیاون! دوای قووڵ بوونی ئه‌م پێوه‌ندییه ئیتر ئه‌م شتانه گرینگ نامێنێ و په‌رژینت ناخاته به‌ر رێی پێوه‌ندیت!

من و په‌ریله و ته‌وار و به‌رده‌قانی ڕه‌نگ بوو له شوێنێك یه‌كترمان دیتبا و هه‌مان قسه‌كانی كه ده‌ستپێكی دۆستایه‌تیمان بوو گووتبامان و دوایه هیوای رۆژێكی خۆشمان بۆ یه‌ك خواستبا و ئیتر خواحافیز! به‌ڵام شاردراوه بوونی دونیای ئینترنێت ڕێی له زوو پساندنی پێوه‌ندی ده‌گرێ و ڕه‌نگه ساڵێك ، دوو... سێ... یان خواده‌زانێ چه‌ند ساڵ بگرێ تا به‌م خواحافیزه بگات! 

مه‌به‌ست: زۆر بیر له ڕاستی و ناڕاستی ئه‌وه‌ی له سه‌ر ئینتێرنێت ده‌ێبیستی مه‌كه‌وه... هه‌ركامێكیان بێ ئاخری ڕاستێكه‌ی ده‌رده‌كه‌وێ!

تێبینی: ئه‌گه‌ر به ته‌مای دیتنه‌وه‌ی هاورێی، قه‌ت پرسیاری ASL مه‌پرسه و وڵامیشی مه‌ده‌وه!

تێبینی تر: قه‌ت ساعه‌ت 2 ی نیوه‌شه‌و نه‌قڵ و حیكایه‌تی وێبڵاگ ده‌ست پێمه‌كه‌ن ده‌نا وه‌ك من خه‌وتان دێ و نازانن چۆن ته‌واوی كه‌ن!  

خۆ خۆشه‌ویستی به شێوه‌ی خۆم!

چه‌ند خۆشه ئه‌وكاتانه‌ی په‌ریله نه‌خۆشه و له ماڵ ناچێته ده‌ر! تێر قسه ده‌بم!! به‌س ده‌بێ كه‌م نه‌خۆش بێ تا تاقه‌تی ئه‌م كورسیله‌یه‌ی هه‌بێ! تازه به قه‌ستی زوو زوو ده‌ڵێم " هیوادارم زوو چاك بێوه"!!! "ئاگات له خۆت بێ با چاكتر بێوه"! ... ئاخ له ده‌ست هاورێی درۆزن!
ئێستا خۆم خۆشتر ده‌وێ یا په‌ریله؟

بوو به دوو ساڵ...
دوو ساڵه ونم كردووی...
گرینگ ئه‌وه نییه ڕاست دوو ساڵه... گرینگ ئه‌وه‌یه دوو ساڵ تێپه‌ر بوو  و بوشایی نه‌بوونت زه‌قتره له هه‌میشه... هیچ شتێك پڕی ناكاته‌وه، ده‌ورانده‌وری گرتووم و وزه‌ی لێ هه‌ستاندووم.. له ده‌وری خۆم ده‌سوورێم بێ ئه‌وه‌ی بزانم چم ده‌وێ ... كات تێپه‌ڕ ده‌كه‌م بێ ئه‌وه‌ی هه‌ستی پێ بكه‌م... ده‌ڵێێ ئه‌و كاتژمێره دوو ساڵه بۆ من ڕاوه‌ستاوه... چاو ده‌كه‌مه‌وه ده‌بینم دوو ساڵ ماوه‌یه‌كه‌ی كه‌م نییه، به‌ڵام بۆ من وه‌كوو دوێنییه... دوو ساڵ بێ بیره‌وه‌ری و پڕ له تاسه‌ی بیری تۆ...
دوو ساڵ بێ تۆ...

ئه‌وه‌ش ئاخر و عاقیبه‌تی سه‌دام! سه‌دامی بێ سه‌ر و شوێن هه‌رچه‌ند هیچی پێ نه‌كرابا، به‌ڵام وه‌كوو مۆته وا بوو... زۆر خۆشحاڵم كه گیرا...
به‌ڵام چاو له ئه‌و قه‌بره‌ی كه ده‌كه‌م كه بۆ خۆی هه‌ڵقه‌ندووه:



ده‌ڵێم باشتر نه‌بوو هه‌ر هه‌تا هه‌تایه له‌وێ دا مابا؟
ئه‌م رۆژه پیرۆزه له هه‌موو كوردێك... نه‌خشه بێ له دیكتاتۆره‌كانی تریش!

هه‌موو قسه‌یه‌ك بۆ گووتن نابێ... هه‌موو كارێكیش بۆ كردن نابێ...
ده‌توانی بیڵێی و دوایه په‌شیمان  بێوه... ده‌توانی بیكه‌ی و دوایه به سه‌ر چۆكت داده‌ی...
ده‌توانی هیچ نه‌ڵێی و نه‌كه‌ی، نه ئه‌وه‌ی ده‌بێ بیڵێی و ده‌بێ بیكه‌ی.. نه ئه‌وه‌ی نابێ!
به‌ڵام ناتوانی مادام كه ده‌تهه‌وێ "هه‌بی" ئه‌و قسانه‌ی نه‌ڵێی كه نابێ بگووترێ یان ئه‌و كارانه‌ی نه‌كه‌ی كه نابێ بكردرێ... ئه‌گه‌ر ده‌ڵێی وا نییه و ده‌كرێ، یان زۆر خاوی یان درۆزنی!
..................................................
به مناڵی،كه ده‌مبیست باسی "باشی" و "پاكی" كه‌سێك ده‌كه‌ن، ده‌یانگووت: ئه‌وه‌نده پاكه، هیچ گیانله‌به‌رێك له ده‌ستی ئازاری نه‌دیتوه!
ده‌مپرسی: ئه‌ی مێروله‌كان؟ با ئه‌وانی زل و زه‌به‌لاح ئازار نه‌دا، به‌ڵام خۆ كاتی به ڕێی رویشتن پێی له مێروله‌كان ناوه و گیانی هه‌ستاندوون؟
بروام پێ بكه‌ن وه‌ختی ئاوا كه‌س له گه‌وره‌كان درۆزنتر نییه... زوو ده‌یانگووت: نا، میرۆله‌شی ئازار نه‌داوه!!!  
خوا ده‌زانێ چه‌نده‌م ژیان خه‌سار كرد تا یه‌كێك له‌و "باشانه" بم... چه‌نده چاوم له به‌ری پێم كرد مێروله نه‌كه‌وێته به‌ر پێم...
چه‌نده ئاگام له دڵی هه‌موو كه‌س بوو كه شتێك له لایه‌ن منه‌وه ئازاریان نه‌دا...
چه‌نده ویستی خۆم مراند تا دڵی كه‌س نه‌تۆرێ...
..........
.....
...
.
ئێستا نامه‌وێ "باش" بم... ده‌مهه‌وێ "بۆخۆم" بم... نامه‌وێ كه‌س ئازار نه‌ده‌م...
ئێستا مناڵ نه‌ماوم، تاقه‌تم كه‌م بۆته‌وه... ناتوانم دڵی هه‌موو كه‌س راگرم...
ئێستا ده‌مهه‌وێ ئه‌و قسانه‌ی به دڵمه بیڵێم، بگوترێ....
ئێستا ده‌مهه‌وێ ئه‌و كارانه‌ی به دڵمه بیكه‌م ، بكردرێ...
به‌ڵام...
هه‌رجاره‌ی ئه‌م سنووره ده‌شكێنم، ئه‌وه‌ی زۆرتر ئازارێ ده‌بینی "خۆمم"، فێر نه‌بۆ به‌م شێوه هه‌ڵس و كه‌وتێ بكا... هه‌ر فێری حه‌مباڵی باری قوڕسی دڵی ئه‌وانیتره... سووك كه ده‌بێ به لا دادێ و له ژێر سووكی دا ورد ده‌بێ...
ئێستا ئازارێ ده‌ده‌م و خۆم زۆرتر هه‌ست به ژانه‌كه‌ی ده‌كه‌م...
.......................................................
به خۆم ده‌ڵێم:
هه‌موو قسه‌یه‌ك بۆ گووتن نابێ... هه‌موو كارێكیش بۆ كردن نابێ...
به‌ڵام تۆ ئه‌وه‌ی ده‌تهه‌وێ بیڵێ و بیكه تا دره‌نگ نه‌بۆ... كات زۆره بۆ په‌شیمانی!


‌

هه‌ر چاوم پێی كه‌وت ئاشقی بووم، نه‌ك بڵێی هه‌ر ته‌رح و دیداری هۆشی بردبێم... نا... له ناخه‌وه خۆشم ویست و دڵی بردم...
 هه‌رچی به خۆم ده‌ڵێم ئه‌وه له كوێ و تۆ له كوێ؟ هیچ سوودی نییه!
 هه‌رچی به خۆم ده‌ڵێم لێك هاتنه‌وه زۆر شه‌رته! دیسان سوودی نییه!!
 هه‌رچی به خۆم ده‌ڵێم لینگت به قه‌ڕا به‌ڕه‌ی خۆت راكێشه! هه‌ر سوودی نییه!!!
دڵ گیرۆده‌ی بۆت و هه‌ر ده‌ێهه‌وێ... توخوا ئێوه بڵێین ژیكه‌ڵه نییه؟

زۆر بیره‌وه‌ری تاڵ و خۆش كه كاتی به سه‌ر دا ده‌چێ له به‌ر چاوی خه‌ڵك بێ ڕه‌نگ ده‌بێته‌وه ... نه خۆشییه‌كان تامی ده‌مێنێ، نه تاڵێیه‌كان تاڵایی!
چارده ساڵ پێش له شاری مۆنترێیاڵ له‌م ڕۆژه دا پیاوێك، خوێنده‌واره كچه‌كانی زانكۆیه‌ك ده‌گرێته به‌ر گوڵله باران و 14 كچی خوێنده‌وار ده‌كوژرێن و گه‌ڵێكی تر بریندار ده‌بن... تاقه تاوانی ئه‌م كه‌سانه ژن بوونیان بوو... گوایه ئه‌م كابرایه ڕقی له ژنان و فیمینیستان بۆ و له  ڕوانگه‌ی ئه‌و، ئه‌و ژنانه‌ی خوێنده‌وارن، هه‌موو فیمینیستن!
ئه‌م ڕۆژه بۆ كانادا و به تایبه‌ت بۆ مونترێیاڵ رۆژێكی ڕه‌شه‌ له ناو مێژووكه‌یان دا. له 5 ساڵ پێشه‌وه  بیره‌وه‌ری ئه‌م ڕۆژه به شێوه‌ی جیاواز له مێدیاكان دا ده‌بینم، هه‌ر ساڵه‌ی كه تێده‌په‌ڕێ، كزتر و كزتر ده‌بێ... تا ئه‌و ساڵ كه رۆژنامه به‌س ستوونێكی بچووك، به‌قه‌د ئاگاداری فرۆشی خانوویه‌كی به بیره‌وه‌ری ئه‌م كاره‌ساته(The Montreal Massacre ) ته‌ڕخان كردبوو...رۆژێكیش دێ له داهاتوو دا، هه‌ر بنه‌ماڵه‌ی قوڕبانێكان ئه‌م رۆژه‌یان له بیر ده‌مێنی...
بۆ ئێمه‌ی كورد كه له ناو كاره‌سات دا له دایك بووین و ژیاوین و زۆربه‌مان دمرین، ره‌نگه بیره‌وه‌رێكان به‌م شێوه نه‌بێ، له مێژوو دا قه‌ت بیره‌وه‌ری كاره‌ساتێك زۆری نه‌خایاندوه و به كاره‌ساتی نوێ، ئه‌وه‌ی پێشتر بێ‌هێزتر بۆ... ڕه‌نگه ئه‌گه‌ر دوای هه‌ر كاره‌ساتێكی به سه‌رمان هاتووه ده‌رفه‌تی پێدا چوونه‌وه‌ و بیر لێكردنه‌وه‌یه‌كی زۆرتر هه‌با، پێش كاره‌ساته‌كانی دواتر ده‌گیرا و له جێگه‌یه‌ك ئه‌م بازنه‌یه راده‌وه‌ستا...ره‌نگه...

Ditty of First Desire

In the green morning
I wanted to be a heart.
A heart.

And in the ripe evening
I wanted to be a nightingale.
A nightingale.

(Soul,
turn orange-colored.
Soul,
turn the color of love.)

In the vivid morning
I wanted to be myself.
A heart.

And at the evening's end
I wanted to be my voice.
A nightingale.

Soul,
turn orange-colored.
Soul,
turn the color of love.

Lorca

دوای ماوه‌یه‌كی زۆر بێكاری ئه‌وه خوا غه‌زه‌بی له یه‌كێك گڕتووه كه بنێرێت به‌دواما بۆ چاو پێكه‌وتن وزانینی ئه‌وه‌ی زانستی من به كه‌ڵكی ئه‌و دێت یا نا! هه‌ر به‌م جۆره‌ی ئه‌دا و به‌زمی كار دۆزینه‌وه زۆره ، بۆ چاو پێكه‌وتنیش نه‌قڵ و حیكایه‌ت زۆره! سه‌د خۆزگه به ئازموونی خوازبێنی و ژن هێنان و مێرد كردن!
له سه‌ر كات گه‌یشتن، نه زووتر نه دره‌نگتر؛ جڵ و به‌رگی فۆرماڵ له به‌ر كردن، چۆنێتی قسه كردن و چاو تێبڕین و چۆنێتی بیڵامانێ كه‌ر كردنی ساحیب كار! هه‌موو وه‌ك حه‌وت خانی رۆسته‌م وایه...
له هه‌مووان زه‌حمه‌تتر جڵ و به‌رگی فۆرماڵه!! بۆ من كه عومرێك له ئێرانێ له ژێر مانتۆ و سه‌رپۆش ئه‌وه‌ی فێری نه‌بووم به خۆ راگه‌یشتن بۆ، ئه‌و به‌شه هه‌ر زۆر زه‌حمه‌ته... له به‌ر كردنی كۆت و دامه‌ن  وه‌ك چه‌رمه‌سه‌ری و خه‌فه‌ت وایه و له لیباسی ره‌سمی دا هه‌ر وه‌كوو ئه‌و شواڵییه وام كه به جل و به‌رگی ئاسنه‌وه ده‌ینێرن بۆ شه‌رێ! بۆ جلی رێك له به‌ر كردنیش هه‌ر ئه‌وه‌نده‌ی لێ ده‌زانم كه كابرای توتن فرۆشی مه‌یدانی ئاردی لێێ ده‌زانێ! كابرای توتن فرۆش به پێچ و كڵاو و كۆت و بلووزی یه‌خه حه‌وت و تیشێرت له ژێره‌وه و پانتۆڵی كوردی و كه‌وشی نووك تیژی چه‌رم بێننه به‌ر چاوتان.. دوو ددانیشی زێر بێ باشتر! ده‌ی منیش هه‌ر ئه‌وه‌نده رێك و پێك خۆم ده‌رازێننمه‌وه!
به‌ڵام ئه‌وه‌ی ئێستا بۆته گرفتی سه‌ره‌كی ئه‌وه‌یه كه، دوای ئه‌و ماوه‌یه‌ بێكاری زۆر و له لای شاقوڵی دانیشتن، بیلامانێ هیچ كام له‌ جڵ و به‌رگه‌كانی پێشووم بۆ نابێته‌وه و تووشی ده‌ردی " ها ئێستا چ له به‌ر كه‌م ؟؟؟" بووم!!
 پرسم به 2-3 كه‌سێك ،كه ده‌زانم لێی ده‌زانن ،كرد...
هه‌وه‌ڵی: قه‌وڵ وایه چه‌ندت بده‌نێ؟
من: ساعه‌تی 10$
هه‌ربۆخۆی: نااااااا نایهێنێ بچی جل و به‌رگی تازه‌ی بۆ بكری... ده‌ڵێم پانتۆڵ(كوردی نا) ه ڕه‌شه‌كه‌ت بۆ به‌ر ده‌بێته‌وه؟ وه‌ره منیش كراسێكت ده‌ده‌مێ ( سایزی ئه‌و كه‌سه‌ش نیوه‌ی منه!!!!)
من: وه‌ده‌زانی ئه‌و كراسه بۆخۆت زله بۆ منیش زل ده‌بێ؟
..............................
دووهه‌می: ده‌ستێك لیباسی خانیمانه و جوان له كه‌سێك وه‌رگره!
من: خانم؟ لێره؟؟؟ كه‌س ناناسم!
.............................
سێهه‌می: همممم تۆ هه‌رچی له به‌ر كه‌ی فه‌رقێك ناكه‌ی!!!....... یانی مه‌به‌ستم ئه‌وه‌یه هه‌ر جوانی! (درۆ خۆ كه‌س ناكووژێ؟ ده‌ێكووژێ؟)
ده‌ڵێم بێ جل و به‌رگیش ده‌بێ ها... بێ یه‌ك و دوو داتده‌مه‌زرێنن!
من: خوا كه‌مێك مێشك بدا به تۆ، كه‌مێكیش پاره به من با به دووی كار دا مۆحتاجی بیر و ڕای تۆ نه‌بم... ئاخر به فه‌رز ئه‌وه جل و به‌رگیشم له به‌ر نه‌كرد ؟ له بیرت چۆته‌وه من له كانادام و ئێستاش زستانه؟ به‌سه پێم له ده‌رگا به‌رمه ده‌رێ و ببم به سه‌هۆڵ... كه‌س دۆستی وه‌ك منی هه‌بێ، دووژمنی بۆ چییه؟
.........................
 
ئێستا خۆم ده‌ڵێم له‌و ده‌سته جله كوردیانه‌ی هه‌مه و بێ كه‌ڵك ماوه‌ته‌وه ( ئاخر لێره نه رێفراندۆم ده‌كرێ، نه ئاشتی ده‌كرێ، نه ئۆجه‌لان ده‌گیرێ و نه كه‌س شایه‌ی ده‌كا!) ، ده‌ستێكی له به‌ر كه‌م و به كابرای بڵێم " ئیلان و بیلان ئه‌ورۆ رۆژی تایبه‌تی كوردانه و ده‌بێ هه‌موو كوردێك  له هه‌ر جێیه‌كی دۆنیایه جڵ و به‌رگی كوردی له به‌ر كات. "
 خۆ درۆ كه‌س ناكووژێ؟ ده‌ێكووژێ؟  تازه دوای عومرێكیش ئه‌و جل و به‌رگه كوردیانه‌ش به كه‌ڵكێك دێن.. كه‌سیش به له خۆ هاڵانی 30 میتر پارچه ڕه‌ق هه‌ڵنایه!!