ڕۆ� ��ێ� ��ڵێ ���� 8ی ��э�(����) � ��ڵێ� �ۆ�ی ���...
نازانم ئه‌م رۆژه بۆ پیرۆزبایی ده‌بێ یان نابێ... نازانم له‌م رۆژه‌دا چه‌ند پیاو به تاێبه‌تی ژنی ده‌زانن و رێزی تاێبه‌ت داده‌نێن بۆ ژنانی ژیانیان یان وه‌كوو مناڵه حكایه‌ت خوانه‌كه‌ی ماڵی "ئاوات" كه پێی وایه به لانی كه‌مه‌وه له‌م رۆژه دا ژن نابێ وه‌به‌ر شه‌ق بدرێ هه‌تا ئه‌گه‌ر سه‌رئێشه‌ی بۆ پیاو ساز كردبێ... نازانم بۆ ژنانی دونیا ئه‌م رۆژه چ جیاوازێكی له دوێنێ یان به‌یانی ده‌بێ... به‌س شتێكی باش ده‌زانم.. له‌م رۆژه‌دا له جیهان به به‌یانووی ژن زۆر قسه ده‌گوترێ، زۆر كۆبوونه‌وه ده‌گیرێ، زۆر نفره‌ت له پیاوسالاری ده‌كردرێ، زۆر رێز له خه‌باتی یه‌كسانیخوازی ژنان ده‌گیرترێ... زۆر زۆرتر له رۆژه‌كانی‌تری ساڵ... به‌یانی بۆ 9 ی مارچ هه‌موو شت ده‌گه‌رێته‌وه سه‌ر شوێنی خۆی و وه‌كوو هه‌موو رۆژه‌كانی ساڵ...
ئه‌وه گرفتێكه من له‌گه‌ڵ رۆژی ژن هه‌مه!
ده‌ڵێ: خه‌باتی ژنان بۆ وه‌دیهێنانی مافی یه‌كسان له كۆمه‌لگادا كاتێك ده‌ست پێ ده‌كرێ كه زه‌ختی پیاوسالاری زۆر ده‌بێ و ژن به هه‌ر شێوه‌یه‌كی بتوانێ بۆ وه‌چه‌نگ هێنانی ئه‌م مافانه‌ی له كیسیان ده‌دا تێده‌كۆشێ ... سه‌ركه‌وتوو بێت یان نا، پێی خۆش بێت یان نا، ژن به‌شێك له‌م خه‌باته‌یه!
بیرده‌كه‌مه‌وه كه ئه‌م وته‌یه زۆر راسته... زۆر جار ژنانم وه‌ك گلادیاتۆره‌كانی سه‌رده‌می یونان و رۆمی كۆن دێته به‌ر چاو كه چاره‌نووسه‌كه‌یان به‌ر له داییك بوونیان له ڕه‌قه‌م ده‌درا... شه‌ڕ بكه ده‌نا ده‌مڕی... ژنانیش كه له داییك ده‌بن، چاره‌نوسییان شه‌ڕ یان چه‌وسانه‌وه‌یه... نه كه‌س ده‌توانێ هه‌موو ژیانی بچه‌وسێته‌وه نه هه‌موو ژیانی شه‌ڕ بكات، بۆیه ده‌بێته ئاوه‌نگێك مابه‌ێنی ئه‌م دوو حاڵه!
پێویست نییه بۆ ئه‌م خه‌باته بچێته ناو ده‌سته و گرووپ و سازمانێك، ئه‌م خه‌باته به‌شێك له ژیانێتێ... هه‌روه‌ها له رۆژێك یان دوو رۆژی ساڵ دا نییه و به درێژایی ته‌مه‌نی ژن به‌شێك له‌م كێشه‌یه ،ره‌نگه بێ ئه‌وه‌ی خۆێ بزانی...
رۆژێك به ناوی ژن بوون هه‌ر به‌یانوویه... گرینگ ئه‌وه‌یه بزانێ بۆ ده‌بێ چاره‌نووسی دیاری كراو بێت ... ده‌بێ رۆژێك چاره‌نووسی خۆێ خۆێ بنووسێ...
ئه‌مرۆش هه‌ر رۆژێكه وه‌كوو رۆژانی تر!
۱۳۸۲/۱۲/۱۸
۱۳۸۲/۱۲/۱۶
داده ته‌وار هه‌فته‌ی پێشوو پرسی بۆ كۆبوونه‌وه‌یه‌ك بۆ وێبڵاگ ئاوا دانانێین، منیش گووتم ئه‌ی بۆ نا؟؟؟ چوون من له كانادا و ئه‌و له سۆێد و ئه‌وانی تر هه‌ر یه‌كه‌ی له شوێنێكی تر و رێك ناكه‌وێ بچیینه قاوه‌خانه و قاوه‌خانه‌ی لادێش ده‌مێكه داخراوه و 1000 نه‌قڵی تر.... كۆبوونه‌وه ئه‌وه له پاڵتاك ده‌بێ... جا شه‌رته‌كه‌ی ئه‌وه‌یه كه به لانی كه‌م 4 كه‌س بێجگه له خۆم له‌وێ حازر بن ده‌نا منیش نایه‌م! (یه‌كییان ده‌بێ حه‌تمه‌ن ته‌وار بێ چوون ئه‌وه هه‌موو ئاژاوه‌ی خۆیه‌تی!) كاتیش هه‌ر یه‌كشه‌نبه 14 مانگ یان هه‌فته‌ی دواتری... به كاتی سوێد 10 شه‌و....( ئه‌م كات و رۆژه به پێی ویستی ئێوه ده‌توانێ بگۆردرێ!) هیچ بابه‌تێكی تاێبه‌یش نییه و به‌ڵام ئه‌گه‌ر حه‌زتان لێ بوو ئه‌وه ده‌توانن گرفته‌كانی خۆتان بۆ ده‌رك و په‌نجه‌ره ساز كردنی وێبڵاگ باس بكه‌ن و ئێمه‌ش ئه‌وه‌ی زانیمان فێرتان ده‌كه‌ێن و ئه‌وه‌ی نه‌شمان زانی حاشای لێ ده‌كه‌ێن! ده‌نا ده‌ست ده‌كه‌ێن به غه‌ێبتی ئه‌وانی حازر نین!!! ( تكایه بۆ ئه‌م به‌شه خۆتان چاك حازر بكه‌ن!)
دراوسێ كۆنه‌كان و نیوه گیانه‌كان و خوا لێخۆشبوكان و دراوسێكانی تریشیان و هه‌ر كه‌سی تر كه حه‌ز له به‌شدار بوون بكات ، به‌خێر بێت سه‌ر چاوی پاڵتاك، به‌ڵام ئه‌م 4 كه‌سه‌ی من مه‌به‌ستمه ده‌بێ خه‌ڵكی ئێستای دێیه‌كه‌مان بن!... ها فه‌رموون ئیمزای بكه‌ن...
دراوسێ كۆنه‌كان و نیوه گیانه‌كان و خوا لێخۆشبوكان و دراوسێكانی تریشیان و هه‌ر كه‌سی تر كه حه‌ز له به‌شدار بوون بكات ، به‌خێر بێت سه‌ر چاوی پاڵتاك، به‌ڵام ئه‌م 4 كه‌سه‌ی من مه‌به‌ستمه ده‌بێ خه‌ڵكی ئێستای دێیه‌كه‌مان بن!... ها فه‌رموون ئیمزای بكه‌ن...
۱۳۸۲/۱۲/۱۴
ماندووم.........
جاران كه ئیشم ئه‌وه بوو كه رێنوینی خه‌ڵك به ته‌لیفوون بكه‌م فێری فێلێك ببوم كه نۆبه‌ی من هه‌ر چی زۆرتر وه‌پاش كه‌وێ و مه‌ودای حه‌سانه‌وه‌م زۆرتر بێ!... كلیدێك بوو كه به كرته كردنی نۆره‌م له ریزه‌كه‌دا ده‌چو پاشێ.. كلیده‌كه ناوی Not ready بوو! خوا ده‌زانێ چه‌ند جار له رۆژێ له ترس پیرێژن و پیره‌پیاوی به بۆڵه بۆڵ ئه‌م كلیده به‌سته‌زمانه‌م داده‌گرت! هیچ سوودیشی نه‌بوو چۆن هه‌موو وه‌كو من هه‌ر ئه‌و كلیده‌یان داده‌گرت و هه‌ر تووش ده‌هاتینه‌وه! له بازنه‌یه‌ك دا بووین هه‌ر چه‌ند not ready بی هه‌ر نۆره‌ت ده‌هاته‌وه... دوای ته‌ركی ئه‌م ئیشه، بازنه‌كه پچرا به‌ڵام عاده‌تی being not ready م بۆ ماوه! not ready بۆ ماوه‌یه‌كی درێژ داگیرساوه و هیچ هۆیه‌ك نییه بیگه‌رێنێته‌وه سه‌ر ready ... هه‌رچی كار و ئیشی هه‌مه خستوومه‌ته ئاخری ریزه‌وه بۆ ئه‌وه‌ی چاوم پێیان نه‌كه‌وێ! به‌ڵام شه‌وانه ئه‌و كاته‌ی سه‌ر له سه‌ر سه‌رین داده‌نێم، هه‌موو ئه‌و كارانه‌ی ده‌بێ بیكه‌م و نه‌مكردوه به پرته و بۆڵه دێنه داركاری ویژدانم! به چاوی به خه‌وه‌وه ده‌بمه قازی شه‌ری مابه‌ێنی خۆم و خۆم... ئاخریش دیاره تاوانبار هه‌ر خۆمم و بریارێ ده‌ده‌م له سه‌ر ده‌ستی خۆم كه له به‌یانی را كچی چاك بم و به هه‌موو ئه‌م كارانه رابگه‌م!!!
به‌ڵام نازانم بۆ بریاره‌كانم وه‌كوو سه‌هۆڵی به‌ر خۆر وایه، هه‌ر بوو به رۆژ و تاو هه‌ڵات له بیرم ده‌چێته‌وه و هه‌مان هه‌مان دوو چاوی جوان!
چار نییه ئه‌م not ready یه ژه‌نگی هه‌ڵێناوه و ئیتر ناگه‌‌رێته‌وه سه‌ر ready ... ده‌بێ بیرێكی نوێی بۆ بكه‌مه‌وه!
جارێ ماندووم له كاری هیچ كردن، (سكارلێت گوته‌نی) به‌یانی بیری لێ ده‌كه‌مه‌وه...
جاران كه ئیشم ئه‌وه بوو كه رێنوینی خه‌ڵك به ته‌لیفوون بكه‌م فێری فێلێك ببوم كه نۆبه‌ی من هه‌ر چی زۆرتر وه‌پاش كه‌وێ و مه‌ودای حه‌سانه‌وه‌م زۆرتر بێ!... كلیدێك بوو كه به كرته كردنی نۆره‌م له ریزه‌كه‌دا ده‌چو پاشێ.. كلیده‌كه ناوی Not ready بوو! خوا ده‌زانێ چه‌ند جار له رۆژێ له ترس پیرێژن و پیره‌پیاوی به بۆڵه بۆڵ ئه‌م كلیده به‌سته‌زمانه‌م داده‌گرت! هیچ سوودیشی نه‌بوو چۆن هه‌موو وه‌كو من هه‌ر ئه‌و كلیده‌یان داده‌گرت و هه‌ر تووش ده‌هاتینه‌وه! له بازنه‌یه‌ك دا بووین هه‌ر چه‌ند not ready بی هه‌ر نۆره‌ت ده‌هاته‌وه... دوای ته‌ركی ئه‌م ئیشه، بازنه‌كه پچرا به‌ڵام عاده‌تی being not ready م بۆ ماوه! not ready بۆ ماوه‌یه‌كی درێژ داگیرساوه و هیچ هۆیه‌ك نییه بیگه‌رێنێته‌وه سه‌ر ready ... هه‌رچی كار و ئیشی هه‌مه خستوومه‌ته ئاخری ریزه‌وه بۆ ئه‌وه‌ی چاوم پێیان نه‌كه‌وێ! به‌ڵام شه‌وانه ئه‌و كاته‌ی سه‌ر له سه‌ر سه‌رین داده‌نێم، هه‌موو ئه‌و كارانه‌ی ده‌بێ بیكه‌م و نه‌مكردوه به پرته و بۆڵه دێنه داركاری ویژدانم! به چاوی به خه‌وه‌وه ده‌بمه قازی شه‌ری مابه‌ێنی خۆم و خۆم... ئاخریش دیاره تاوانبار هه‌ر خۆمم و بریارێ ده‌ده‌م له سه‌ر ده‌ستی خۆم كه له به‌یانی را كچی چاك بم و به هه‌موو ئه‌م كارانه رابگه‌م!!!
به‌ڵام نازانم بۆ بریاره‌كانم وه‌كوو سه‌هۆڵی به‌ر خۆر وایه، هه‌ر بوو به رۆژ و تاو هه‌ڵات له بیرم ده‌چێته‌وه و هه‌مان هه‌مان دوو چاوی جوان!
چار نییه ئه‌م not ready یه ژه‌نگی هه‌ڵێناوه و ئیتر ناگه‌‌رێته‌وه سه‌ر ready ... ده‌بێ بیرێكی نوێی بۆ بكه‌مه‌وه!
جارێ ماندووم له كاری هیچ كردن، (سكارلێت گوته‌نی) به‌یانی بیری لێ ده‌كه‌مه‌وه...
۱۳۸۲/۱۲/۰۹
تكایه ئه‌گه‌ر وێبڵاگه‌كانتان پاك ده‌كه‌نه‌وه و به ته‌مان ئیتر نه‌نووسن، ئاگادارم بكه‌نه‌وه كه ناوتان تا كاتێك دیسان ده‌ست به نووسین ده‌كه‌نه‌وه له ریزی وێبڵاگئاوا لابه‌رم...
داده شڵێری كامێنت نووس ، ئیمه‌ێلێكم بۆ ناردنی، نازانم قه‌ت ئه‌م ئیمه‌ێلدانه‌ت چاو لێده‌كه‌ی یان نا؟؟ به‌ڵام ده‌زانم جار و بار ئێره ده‌خوێنییه‌وه، بۆیه هه‌ر ئه‌ڵێم ئیمه‌ێلم بۆ ناردی!
ئه‌م به‌رێزه‌ش داوای كردبوو ناوی له ریزی وێبڵاگی كوردی دا دانێم، به‌ڵام به‌داخه‌وه چوون وێبڵاگ نییه و به‌رۆژ نابێته‌وه، ناتوانم، دوو جاریشم ئیمه‌ێڵ بۆ نارد كه بۆ خۆم گه‌راوه، ئه‌وه بۆیه لێره ده‌ێنووسم...
ئه‌گه‌رچی خۆم گیرۆده‌ی بێ یاساییم و حه‌زم له هیچ نه‌زمێك نییه به‌ڵام مادام كه‌وچكی ئه‌م ریزه‌م به ده‌سته‌وه ده‌بێ كه‌مێك رێك و پێكی راگرم و یاسا و قانوونی بۆ دانێم تا دێ به ده‌ریان نه‌كردووم!!... ئه‌م یاسایانه زۆریش نین هه‌ر ئه‌وه‌نده:
- ماڵپه‌ره‌كه‌تان ده‌بێ وێبڵاگ بێ یان ماڵپه‌رێك كه زوو زوو به رۆژ بێته‌وه، زۆر شه‌پكه‌ش تووند نییه ده‌توانی به مانگیش ماڵپه‌ره‌كه‌ت به رۆژ نه‌كه‌یه‌وه! زۆر زۆره‌كه‌ی ده‌خوشێیه‌ی خوارێ له لای سه‌روو را!
- بابه‌ته‌كان به كوردی بێ یان سه‌باره‌ت به كورد و كوردستان بێ!
هه‌ر ئه‌وه‌نده!
به‌خوای ئێمه گوڵین و كه‌س قه‌درمان نازانێ! په‌كوو!
ئێتر سڵاوم هه‌یه بۆ هه‌موو لایه‌ك!
داده شڵێری كامێنت نووس ، ئیمه‌ێلێكم بۆ ناردنی، نازانم قه‌ت ئه‌م ئیمه‌ێلدانه‌ت چاو لێده‌كه‌ی یان نا؟؟ به‌ڵام ده‌زانم جار و بار ئێره ده‌خوێنییه‌وه، بۆیه هه‌ر ئه‌ڵێم ئیمه‌ێلم بۆ ناردی!
ئه‌م به‌رێزه‌ش داوای كردبوو ناوی له ریزی وێبڵاگی كوردی دا دانێم، به‌ڵام به‌داخه‌وه چوون وێبڵاگ نییه و به‌رۆژ نابێته‌وه، ناتوانم، دوو جاریشم ئیمه‌ێڵ بۆ نارد كه بۆ خۆم گه‌راوه، ئه‌وه بۆیه لێره ده‌ێنووسم...
ئه‌گه‌رچی خۆم گیرۆده‌ی بێ یاساییم و حه‌زم له هیچ نه‌زمێك نییه به‌ڵام مادام كه‌وچكی ئه‌م ریزه‌م به ده‌سته‌وه ده‌بێ كه‌مێك رێك و پێكی راگرم و یاسا و قانوونی بۆ دانێم تا دێ به ده‌ریان نه‌كردووم!!... ئه‌م یاسایانه زۆریش نین هه‌ر ئه‌وه‌نده:
- ماڵپه‌ره‌كه‌تان ده‌بێ وێبڵاگ بێ یان ماڵپه‌رێك كه زوو زوو به رۆژ بێته‌وه، زۆر شه‌پكه‌ش تووند نییه ده‌توانی به مانگیش ماڵپه‌ره‌كه‌ت به رۆژ نه‌كه‌یه‌وه! زۆر زۆره‌كه‌ی ده‌خوشێیه‌ی خوارێ له لای سه‌روو را!
- بابه‌ته‌كان به كوردی بێ یان سه‌باره‌ت به كورد و كوردستان بێ!
هه‌ر ئه‌وه‌نده!
به‌خوای ئێمه گوڵین و كه‌س قه‌درمان نازانێ! په‌كوو!
ئێتر سڵاوم هه‌یه بۆ هه‌موو لایه‌ك!
۱۳۸۲/۱۲/۰۶
هاتمه‌وه له سه‌فه‌رێكی 2 رۆژه، 2 رۆژی چی ده‌تگووت 2 مانگه!
چووبووم داوای سه‌ربه‌خۆیی بۆ كوردستان بكه‌م، سێ نه‌فه‌ر و له‌تكێكیشم بۆ سه‌فه‌ر ده‌گه‌ڵ خۆم ساز كرد! له شانسان هه‌وایه‌كی خۆش و هه‌تاوێكی گه‌ڕم(هه‌ڵبه‌ت به هه‌موو هێزی زستانێوه!) به‌خێرهاتنیان كردین... جه‌ماوه‌رێك كه یه‌ك ده‌ڵێ 100 ئه‌وه‌ی تر ده‌ڵێ 200، ئه‌وی تر ده‌ێگووت 400 و ئاخری پێی وا بوو له 500 تێپه‌ریوه هاتبوون و پارڵمانی ئۆتاوایان له بێره‌نگی هێنابوو ده‌رێ... هێندێك قسه‌ی گه‌وره‌یان كرد و هێندێك قسه‌ی بچووك... هێندێك هۆنراوه‌یان به ده‌نگی نه‌رم خوێنده‌وه و ئه‌وانی تریش به ده‌نگی هینده به‌رز كه لام وایه نوێنه‌ره‌كانی میله‌تی كانادایه له ناو پارلمان هه‌موو یان تێمیسكییان ده‌ر كرد یان نێوكیان كه‌وت... ماشاللا بۆ ده‌نگی دڵێر!!!
شتێك كه لام وایه زۆرتر بوو له جه‌ماوه‌ره‌كه، كامێرای وێنه و فیلم بوو، به‌ڵام نازانم بۆ هه‌رچی له هه‌واڵه‌كانی ساعه‌تی 6 و 11 دا گه‌رام باسی هه‌موو شت كرا ئیڵا ئێمه؟... وا نابێ ده‌بێ هه‌ر شوێنێك بشێوێنین تا نێومان بێته ناو نێوان، هه‌ر وه‌كوو ئه‌م مریشكانه‌ی هه‌ڵامه‌ت بڵاو ده‌كه‌نه‌وه...
ئه‌مانه‌ش دیاری دوور وڵات، تا خه‌و هیڵاكی نه‌كردووم...
وێنه‌ی
1
2
3
۱۳۸۲/۱۲/۰۲
خۆپێشاندانی كوردان بۆ پشتیوانی له رێفراندۆم بۆ سه‌ربه‌خۆێی له كانادا له شاری ئۆتاوا به‌رێوه ده‌چێ، له رۆژی دووشه‌مه 23 مانگی 2 ،كاتژمێر 1 پاش نیوه‌رۆ تا 4 ...
ئه‌مه‌ش زانیاری زۆرتر له سه‌ر ئه‌م بابه‌ته..
ئه‌مه‌ش زانیاری زۆرتر له سه‌ر ئه‌م بابه‌ته..
۱۳۸۲/۱۱/۳۰
له كتێبی" شازاده‌ی بچووك" دا به‌شێك هه‌یه باسی حه‌زی مرۆڤه گه‌وره‌كانه له ژماره و ڕه‌قه‌م... ده‌ڵێ گه‌وره‌كان له وه‌سفی هیچ شتێك ناگه‌ن تا ژماره و ڕه‌قه‌میان پێ نه‌گووترێ...
گه‌وره‌كان هه‌ر بۆ تێگه‌یشتن له وه‌سفی شت وا كڵۆڵ نین، جار و بار ژماره و ڕه‌قه‌میش فریایان ناكه‌وێ و پێویستیان به له قالبدان و له ناو چوارچێوه‌خستنی مرۆڤه‌كانی تره... ئه‌گه‌ر له‌م چوارچێوانه‌دا نه‌گونجێی، گێژیان ده‌كه‌ی..
مه‌به‌ست:
هه‌واڵی شازی كچه كوردێك كه له به‌رنامه‌ی به‌چلر به‌شداری كردوه و گه‌یه‌شتۆته به‌شی فاێناڵ له سێ ئاشان به تاریفه ئاوداره‌كانی كاك ناسر وه‌به‌ر چاوم كه‌وت... هه‌ڵبه‌ت له ئاخره‌وه وه‌به‌رچاوم كه‌وت، یانی هه‌وه‌ڵ وێنه‌كه‌ی دوایه بابه‌ته‌كه!
دیتنی نادیا نه تووشی سه‌رسووڕمانی كردم و نه پێم وا بوو ئه‌م بابه‌ته شتێكی تاێبه‌ته، به‌ڵام چۆنێتی ده‌ربرینی بابه‌ته‌كه جێی سه‌رنج بوو...
نادیا وه‌ك مرۆڤێك بۆێ هه‌یه به هه‌ر شێوه‌یه‌ك به دڵێتی بژی، ژیانی تاكه كه‌سی ئه‌و ژیانی من ناشێوێنێ... كورد بوونی، مه‌ریوانی بوونی، له سوێد ژیانی، هیچ له‌م راستییانه ناگۆڕێ كه ئه‌و سه‌ربه‌سته له هه‌ڵبژاردنی ژیانی تاكه‌كه‌سی خۆێ..
پێم وانییه ئه‌م كیژۆڵه له به‌رنامه‌ی به‌چلر به ناوی كوردێك یان مه‌ریوانێك به‌شداری كردبێت.. كه وایه ئه‌مه نابێته نه سه‌رشۆڕی و نه سه‌ربه‌رزی بۆ كورده‌كان و مه‌ریوانییه‌كان!
لام وا نییه خۆی هه‌ڵگری ئاڵای مۆدێرنیزمی ژنانی كورد یان وه‌رگرتنی مافی یه‌كسانی ژن و پیاو به به‌شداری له‌م كێ‌به‌ركێیه دا كردبێ و ئه‌گه‌ر ئه‌م داوایه‌ی هه‌بووبێ ده‌كرێ له سه‌ری باس بكردرێت...
بۆ ئازایی و بوێری ئه‌م كیژۆڵه‌یه ناسك و نازداره، هه‌ر ئه‌وه‌نده ده‌توانم بڵێم منی مرۆڤ له كات و شوێنی جیاوازدا نیشانی بوێری و ئازایه‌تیم سه‌ر و خوارێ ده‌كا.
نادیا شادابی سوێد جیاوازه له نادیا شادابی مه‌ریوان، زۆرترین بوێری نادیا له مه‌ریوان به‌ره‌و رووی ئامه‌خانی* مه‌ریوانی پێكه‌نین ده‌بوو له به‌رامبه‌ر بوێری ئه‌و له چوون بۆ به‌چلر!
یان بڵێین له جێی پاره‌ده‌رهێنان له نیشاندانی له‌شی رێك و پێكی بۆ پیاوی چاو حیزی جوان په‌ره‌ست، له مه‌ریوان ده‌بوو به مونشی دوكتورێكی چاوحیزی جوان‌په‌سه‌ند... هه‌ركامه‌یان له شوێنی خۆیاندا هه‌ڵده‌كه‌وێ.. ئیتر نازانم بوێری چی؟
ره‌نگه مه‌به‌ست له بوێری و ئازایه‌تی، نارێك بوون ده‌گه‌ڵ نۆڕمی گێتۆی كورده‌كانی سوێده؟ ده‌ی ئه‌م گێتۆیه‌ش ده‌بێ چاوه‌روانی ئازایه‌تی ئاوا بێ، مناڵه‌كانیان حه‌ز له‌م گێتۆیه ناكه‌ن و رێی هه‌ڵاتنیش ئاوه‌ڵه‌یه، هه‌ر كه‌سه به شێوه‌ی تاكه‌كه‌سی خۆی لێی هه‌ڵدێ، ئه‌گه‌ر كه‌سێك وه‌ك باوكی فادیمه و په‌لایان تووش نه‌بێ!
كاك ناسر دێت و نادیا له چوارچێوه و قاڵب ده‌نێ و به پێوانه‌كانی خۆی هه‌لیده‌سه‌نگێنێ و ده‌ڵێ:
هه‌ندێ له میوانانی سێ‌ئاشان، زۆریان پێ ناخۆش بوو كه من په‌سنی بوێری و ڕ‌اشكاویی نادیام داوه و نووسیومه كه ئه‌و كچه كورده، فێمینیسته و له ده‌ربڕینی بۆچوون و حه‌زه‌كانی له هیچ له‌مپه‌رێكی به ناو ئه‌خلاقی و نامووسی سڵ ناكاته‌وه. یان ئه‌وه‌ی كه ئه‌و نموونه‌ی كچێكی مۆدێرنی كورده و خه‌باتكاری ڕێگه‌ی یه‌كسانیی ژیان و پیاوه.
بۆ ناساندنی ئه‌م وت و وێژه‌ی نادیا له‌گه‌ڵ به‌رنامه‌ی تله‌ڤزیۆنی به‌چلر داده‌نێ... نازانم چ شتێكی گرینگ له‌م وت و وێژه دایه به‌ڵام ره‌نگه رۆژانه سه‌دان وت و وێژی ئاوا له‌گه‌ڵ به‌شدارانی كێبه‌ر كێی ئاوا بێته به‌ر چاوم و به‌ڵامه‌وه گرینگ نه‌بێ... ئه‌وه‌ش هه‌ر وه‌ك ئه‌وانی تر!
به لای منه‌وه گرینگ نییه كه كاك ناسر بوێری و ڕاشكاوی نادیای به‌م شێوه به دڵه، وه‌ك مرۆڤێكی سه‌ربه‌ست ده‌توانێ هه‌زاران جار بگه‌رێته‌وه سه‌ر خاڵی چواره‌م! به‌ڵام ئه‌و كاته‌ی دێت و حه‌ز و ویستی خۆی وه‌كوو چوارچێوه ده‌نه‌خشێنی به سه‌ر نادیا، من تووشی تێنه‌گه‌ێشتن و سه‌رسوڕمان ده‌بم.
نازانم پێوانه‌ی مۆدێرنیزم و فیمینیزم و تێكۆشان بۆ یه‌كسانی ژن و پیاوی كاك ناسر چییه؟ به‌ڵام ده‌زانم وه‌كوو ژنێك كه هیچ هه‌ستێكی خۆشم سه‌باره‌ت به به‌رنامه‌ی به‌چلر و پاره‌ده‌رهێنان له رێگه‌ی نیشان دانی له‌شی ئێرۆتیكی ژنان بۆ پیاوان نییه...
هه‌ستی من به‌رنامه‌ی به‌چلر وه‌كوو سووكایه‌تێك به ژن و ئه‌قڵییه‌تی ژن ده‌ناسێ...رێگادان به كابرایه‌كی مل هۆر كه گیرفانێكی پڕی هه‌یه كه بێت له ناو 25 كچ كه وه‌ك قه‌ڕه‌‌واش پێی هه‌ڵده‌ڵێن( هه‌ڵبه‌ت له به‌ر پاره‌ی گیرفانی) و یه‌ك به په‌ست كردنی ئه‌وانیتر هه‌ڵبژێرێ، ده‌گه‌ڵ تێكۆشان بۆ مافی یه‌كسانی ژن و پیاو ناگونجێ.. زۆریش دووره لێی... لام وایه هه‌ڵبژاردنی هاوسه‌ر به شێوه‌ی ئامه‌خانی خۆمان زۆر مۆدێرنتر و پێشكه‌وتنخوازانه‌تره له به‌چلر!
به‌س به لای منه‌وه زۆر ئاسایه كه كه‌سێك یه‌كێك له‌م رێگایانه‌ی پێ باش بێ و هه‌ڵیبژێرێ، به‌س ناوی نانێم مۆدێرنیزم و وه‌رگرتنی مافی یه‌كسان...
ئه‌گه‌ر مه‌به‌ست له‌م تێكۆشان بۆ یه‌كسانی نیشاندانی له‌شی رووتی ژنان بێ، كه له‌م باره‌وه ژنان زۆر پێشكه‌وتووترن... ده‌ڵێی نا به‌راوه‌ردێك بكه نێوان ژنی رووت كه ژێست بۆ پیاو ده‌گرێ و پیاوی رووت كه ژێست بۆ ژن ده‌گرێ... كه وایه ئه‌م ژنه‌ی بۆ یه‌كسانێ تێده‌كۆشی ده‌بێ كه‌متر ئه‌م مه‌یدانه داگیر بكا و رێبداته پیاوانیش ئه‌م مافه یه‌كسانه‌یان هه‌بێ!!!
پێویست نییه بۆ ناساندنی پێوانه‌كانی خۆمان مرۆڤان له قاڵب و قه‌واره‌ی دڵخوازی خۆمان نێین، لێیگه‌رێ با نادیا ئه‌وه بێ كه خۆی ده‌ڵێ و ده‌ێهه‌وێ، بێ رازاندنه‌وه یان ده‌سه‌ركوتان...
------------------------------------------
*ئامه‌خان: به‌ربووكێكی سابلاخییه كه زۆر جار هاوسه‌ر بۆ كچان و كوڕانی ده‌سته‌و وه‌ستان ده‌دۆزێته‌وه و له كاری خۆی دا زۆر شاره‌زا و لێهاتوویه!
گه‌وره‌كان هه‌ر بۆ تێگه‌یشتن له وه‌سفی شت وا كڵۆڵ نین، جار و بار ژماره و ڕه‌قه‌میش فریایان ناكه‌وێ و پێویستیان به له قالبدان و له ناو چوارچێوه‌خستنی مرۆڤه‌كانی تره... ئه‌گه‌ر له‌م چوارچێوانه‌دا نه‌گونجێی، گێژیان ده‌كه‌ی..
مه‌به‌ست:
هه‌واڵی شازی كچه كوردێك كه له به‌رنامه‌ی به‌چلر به‌شداری كردوه و گه‌یه‌شتۆته به‌شی فاێناڵ له سێ ئاشان به تاریفه ئاوداره‌كانی كاك ناسر وه‌به‌ر چاوم كه‌وت... هه‌ڵبه‌ت له ئاخره‌وه وه‌به‌رچاوم كه‌وت، یانی هه‌وه‌ڵ وێنه‌كه‌ی دوایه بابه‌ته‌كه!
دیتنی نادیا نه تووشی سه‌رسووڕمانی كردم و نه پێم وا بوو ئه‌م بابه‌ته شتێكی تاێبه‌ته، به‌ڵام چۆنێتی ده‌ربرینی بابه‌ته‌كه جێی سه‌رنج بوو...
نادیا وه‌ك مرۆڤێك بۆێ هه‌یه به هه‌ر شێوه‌یه‌ك به دڵێتی بژی، ژیانی تاكه كه‌سی ئه‌و ژیانی من ناشێوێنێ... كورد بوونی، مه‌ریوانی بوونی، له سوێد ژیانی، هیچ له‌م راستییانه ناگۆڕێ كه ئه‌و سه‌ربه‌سته له هه‌ڵبژاردنی ژیانی تاكه‌كه‌سی خۆێ..
پێم وانییه ئه‌م كیژۆڵه له به‌رنامه‌ی به‌چلر به ناوی كوردێك یان مه‌ریوانێك به‌شداری كردبێت.. كه وایه ئه‌مه نابێته نه سه‌رشۆڕی و نه سه‌ربه‌رزی بۆ كورده‌كان و مه‌ریوانییه‌كان!
لام وا نییه خۆی هه‌ڵگری ئاڵای مۆدێرنیزمی ژنانی كورد یان وه‌رگرتنی مافی یه‌كسانی ژن و پیاو به به‌شداری له‌م كێ‌به‌ركێیه دا كردبێ و ئه‌گه‌ر ئه‌م داوایه‌ی هه‌بووبێ ده‌كرێ له سه‌ری باس بكردرێت...
بۆ ئازایی و بوێری ئه‌م كیژۆڵه‌یه ناسك و نازداره، هه‌ر ئه‌وه‌نده ده‌توانم بڵێم منی مرۆڤ له كات و شوێنی جیاوازدا نیشانی بوێری و ئازایه‌تیم سه‌ر و خوارێ ده‌كا.
نادیا شادابی سوێد جیاوازه له نادیا شادابی مه‌ریوان، زۆرترین بوێری نادیا له مه‌ریوان به‌ره‌و رووی ئامه‌خانی* مه‌ریوانی پێكه‌نین ده‌بوو له به‌رامبه‌ر بوێری ئه‌و له چوون بۆ به‌چلر!
یان بڵێین له جێی پاره‌ده‌رهێنان له نیشاندانی له‌شی رێك و پێكی بۆ پیاوی چاو حیزی جوان په‌ره‌ست، له مه‌ریوان ده‌بوو به مونشی دوكتورێكی چاوحیزی جوان‌په‌سه‌ند... هه‌ركامه‌یان له شوێنی خۆیاندا هه‌ڵده‌كه‌وێ.. ئیتر نازانم بوێری چی؟
ره‌نگه مه‌به‌ست له بوێری و ئازایه‌تی، نارێك بوون ده‌گه‌ڵ نۆڕمی گێتۆی كورده‌كانی سوێده؟ ده‌ی ئه‌م گێتۆیه‌ش ده‌بێ چاوه‌روانی ئازایه‌تی ئاوا بێ، مناڵه‌كانیان حه‌ز له‌م گێتۆیه ناكه‌ن و رێی هه‌ڵاتنیش ئاوه‌ڵه‌یه، هه‌ر كه‌سه به شێوه‌ی تاكه‌كه‌سی خۆی لێی هه‌ڵدێ، ئه‌گه‌ر كه‌سێك وه‌ك باوكی فادیمه و په‌لایان تووش نه‌بێ!
كاك ناسر دێت و نادیا له چوارچێوه و قاڵب ده‌نێ و به پێوانه‌كانی خۆی هه‌لیده‌سه‌نگێنێ و ده‌ڵێ:
هه‌ندێ له میوانانی سێ‌ئاشان، زۆریان پێ ناخۆش بوو كه من په‌سنی بوێری و ڕ‌اشكاویی نادیام داوه و نووسیومه كه ئه‌و كچه كورده، فێمینیسته و له ده‌ربڕینی بۆچوون و حه‌زه‌كانی له هیچ له‌مپه‌رێكی به ناو ئه‌خلاقی و نامووسی سڵ ناكاته‌وه. یان ئه‌وه‌ی كه ئه‌و نموونه‌ی كچێكی مۆدێرنی كورده و خه‌باتكاری ڕێگه‌ی یه‌كسانیی ژیان و پیاوه.
بۆ ناساندنی ئه‌م وت و وێژه‌ی نادیا له‌گه‌ڵ به‌رنامه‌ی تله‌ڤزیۆنی به‌چلر داده‌نێ... نازانم چ شتێكی گرینگ له‌م وت و وێژه دایه به‌ڵام ره‌نگه رۆژانه سه‌دان وت و وێژی ئاوا له‌گه‌ڵ به‌شدارانی كێبه‌ر كێی ئاوا بێته به‌ر چاوم و به‌ڵامه‌وه گرینگ نه‌بێ... ئه‌وه‌ش هه‌ر وه‌ك ئه‌وانی تر!
به لای منه‌وه گرینگ نییه كه كاك ناسر بوێری و ڕاشكاوی نادیای به‌م شێوه به دڵه، وه‌ك مرۆڤێكی سه‌ربه‌ست ده‌توانێ هه‌زاران جار بگه‌رێته‌وه سه‌ر خاڵی چواره‌م! به‌ڵام ئه‌و كاته‌ی دێت و حه‌ز و ویستی خۆی وه‌كوو چوارچێوه ده‌نه‌خشێنی به سه‌ر نادیا، من تووشی تێنه‌گه‌ێشتن و سه‌رسوڕمان ده‌بم.
نازانم پێوانه‌ی مۆدێرنیزم و فیمینیزم و تێكۆشان بۆ یه‌كسانی ژن و پیاوی كاك ناسر چییه؟ به‌ڵام ده‌زانم وه‌كوو ژنێك كه هیچ هه‌ستێكی خۆشم سه‌باره‌ت به به‌رنامه‌ی به‌چلر و پاره‌ده‌رهێنان له رێگه‌ی نیشان دانی له‌شی ئێرۆتیكی ژنان بۆ پیاوان نییه...
هه‌ستی من به‌رنامه‌ی به‌چلر وه‌كوو سووكایه‌تێك به ژن و ئه‌قڵییه‌تی ژن ده‌ناسێ...رێگادان به كابرایه‌كی مل هۆر كه گیرفانێكی پڕی هه‌یه كه بێت له ناو 25 كچ كه وه‌ك قه‌ڕه‌‌واش پێی هه‌ڵده‌ڵێن( هه‌ڵبه‌ت له به‌ر پاره‌ی گیرفانی) و یه‌ك به په‌ست كردنی ئه‌وانیتر هه‌ڵبژێرێ، ده‌گه‌ڵ تێكۆشان بۆ مافی یه‌كسانی ژن و پیاو ناگونجێ.. زۆریش دووره لێی... لام وایه هه‌ڵبژاردنی هاوسه‌ر به شێوه‌ی ئامه‌خانی خۆمان زۆر مۆدێرنتر و پێشكه‌وتنخوازانه‌تره له به‌چلر!
به‌س به لای منه‌وه زۆر ئاسایه كه كه‌سێك یه‌كێك له‌م رێگایانه‌ی پێ باش بێ و هه‌ڵیبژێرێ، به‌س ناوی نانێم مۆدێرنیزم و وه‌رگرتنی مافی یه‌كسان...
ئه‌گه‌ر مه‌به‌ست له‌م تێكۆشان بۆ یه‌كسانی نیشاندانی له‌شی رووتی ژنان بێ، كه له‌م باره‌وه ژنان زۆر پێشكه‌وتووترن... ده‌ڵێی نا به‌راوه‌ردێك بكه نێوان ژنی رووت كه ژێست بۆ پیاو ده‌گرێ و پیاوی رووت كه ژێست بۆ ژن ده‌گرێ... كه وایه ئه‌م ژنه‌ی بۆ یه‌كسانێ تێده‌كۆشی ده‌بێ كه‌متر ئه‌م مه‌یدانه داگیر بكا و رێبداته پیاوانیش ئه‌م مافه یه‌كسانه‌یان هه‌بێ!!!
پێویست نییه بۆ ناساندنی پێوانه‌كانی خۆمان مرۆڤان له قاڵب و قه‌واره‌ی دڵخوازی خۆمان نێین، لێیگه‌رێ با نادیا ئه‌وه بێ كه خۆی ده‌ڵێ و ده‌ێهه‌وێ، بێ رازاندنه‌وه یان ده‌سه‌ركوتان...
------------------------------------------
*ئامه‌خان: به‌ربووكێكی سابلاخییه كه زۆر جار هاوسه‌ر بۆ كچان و كوڕانی ده‌سته‌و وه‌ستان ده‌دۆزێته‌وه و له كاری خۆی دا زۆر شاره‌زا و لێهاتوویه!
۱۳۸۲/۱۱/۲۵
له ئێران 12 ئیمامیان هه‌یه كه 12 جار له داییك ده‌بن و 11 جار ده‌مرن، بۆ هه‌ر جار له داییك بوونییان ئۆمه‌تی شیعه شینێك ده‌گێرێ و بۆ مردنییان شینێكی تر! ئه‌وه بڵێ 23 جار، 23 جاری تریش ئه‌م ئۆمه‌ته بۆ شتی تر قوڕ وه سه‌ر خۆیان ده‌كه‌ن ئه‌وه 46 ... مادام ئاوا حه‌زیان له قوڕ قوڕپێوانه نه‌خشه‌یان لێ بێ بۆ 46 تریش! 92 ی سه‌ر راست كه‌وه ئه‌وه بڵێ 100، چما دێڵن ئۆمه‌تی ناشیعه ئه‌م 266 رۆژه‌ی ساڵ كه 10 بۆ ساڵی عه‌ڕه‌بی لێ كه‌م ده‌بێته‌وه و ده‌بێته 256 رۆژ بحه‌سێنه‌وه؟
هه‌ر بژی ئیمامی كافران ، ڤاڵێنتاین، ئه‌گه‌ر ده‌بێ و ده‌ژی و ده‌مرێش، شادی و خۆشه‌ویستی ده‌گه‌ڵ خۆی دێنێ.... رۆژی دڵان له دڵدار و بێدڵان پیرۆز بێ!
تێبینی: پێش ئه‌وه‌ی بێی و بنوسیكه من رێزم بۆ باوه‌ری شیعه نییه، با هه‌ر لێره‌وه بزانی رێزم بۆ هیچ دین و مه‌رامێك نییه، ئه‌گه‌ر رێز له كه‌سێكی تاێبه‌ت كه دین و مه‌رامێكی هه‌یه ده‌گڕم ، له به‌ر خۆیه‌تی نه‌ك دین و مه‌ڕامه‌كه‌ی... شه‌ڕیشم پێ مه‌فرۆشن، له‌وه‌تی له بیرمه دین و مه‌زهه‌ب رێزی بۆ من دانه‌ناوه، هه‌ر بۆیه پاك له پاكین!
هه‌ر بژی ئیمامی كافران ، ڤاڵێنتاین، ئه‌گه‌ر ده‌بێ و ده‌ژی و ده‌مرێش، شادی و خۆشه‌ویستی ده‌گه‌ڵ خۆی دێنێ.... رۆژی دڵان له دڵدار و بێدڵان پیرۆز بێ!
تێبینی: پێش ئه‌وه‌ی بێی و بنوسیكه من رێزم بۆ باوه‌ری شیعه نییه، با هه‌ر لێره‌وه بزانی رێزم بۆ هیچ دین و مه‌رامێك نییه، ئه‌گه‌ر رێز له كه‌سێكی تاێبه‌ت كه دین و مه‌رامێكی هه‌یه ده‌گڕم ، له به‌ر خۆیه‌تی نه‌ك دین و مه‌ڕامه‌كه‌ی... شه‌ڕیشم پێ مه‌فرۆشن، له‌وه‌تی له بیرمه دین و مه‌زهه‌ب رێزی بۆ من دانه‌ناوه، هه‌ر بۆیه پاك له پاكین!
۱۳۸۲/۱۱/۲۳
۱۳۸۲/۱۱/۲۲
با بزانین داده كه‌وێ زیندوو بۆته‌وه؟
داده كه‌وێ به‌د عه‌مه‌لی كردووین، ده‌ڵێی پێش ئه‌و وێبڵاگئاوا نه‌بۆ و دوای ئه‌ویش نابێ! وه‌ك نووسه‌رێك ده‌ڵێ" دایكی هه‌موو داهێنان و دۆزینه‌وه نۆیه‌كانی مرۆڤ ته‌مه‌ڵییه! " هه‌ر مرۆڤ فێری شێوه‌یه‌كی هاسانتر بوو بۆ به‌رێوه‌بردنی كارێك ، زه‌حمه‌ته به شێوه كۆنه‌كان بتوانێ ده‌ست پێ بكاته‌وه!
ده‌ێ ئه‌وه‌ش به‌هانه!
چه‌ند شه‌و پێش بێ ئێوه ناخۆش چووم بۆ جێژنی كۆمه‌ڵه، حه‌فته‌یه‌ك پێش جێژنی كۆمه‌ڵه‌كه‌ی تر بوو و من نه‌متوانی بچم... چه‌ند ساڵه ئه‌م دووكۆمه‌ڵه‌یه كه من نازانم جیاوازیان چییه له‌م ناوچه‌یه دا شه‌ڕه هه‌ڵپه‌ركێیان هه‌یه( خوا بكا هه‌موو شه‌ڕێك هه‌ر ئاوا بێ!) . ئێمه‌ی جه‌ماوه‌ریش كه له‌م دووره دونیایه چاوه‌رێین شتێك بقه‌ومێ و له یه‌ك كۆ ببینه‌وه، هیچ فه‌رقی پێناكه‌ێن رێبه‌رایه‌تی و سیاسه‌تی ئه‌م حیزبانه چییه و چ ده‌ڵێن به‌س سازین بۆ هه‌ڵپه‌ركێ و دڵی هیچییان ناشكێنین و ده‌چین بۆ سه‌ردانی هه‌مویان... چون له سیاسه‌ته‌كانیان زۆر سه‌ره‌و به‌ره‌ی ده‌رناكه‌م كۆمه‌ڵه‌كان به ئه‌و كه‌سانه‌ی به‌خێر هاتنمان ده‌كه‌ن و پاره‌ی چوونه‌ژورمان لێ ده‌ستێنن ده‌ناسمه‌وه، یه‌كییان كۆمهڵهی كاك عه‌لییه و ئه‌وه‌ی تر هی كاك حامید... بێ گوومان چوون كاك عه‌لی و خاو خێزانی خوێن گه‌ڕمترن و رووخۆشتر، جێژنی كۆمهڵهی كاك عه‌لی به‌تینتره و ئاوه‌دانتر! ئه‌مسالیش كۆمهڵهی كاك عه‌لی بۆ ڕقه‌به‌رایه‌تی له جێی یه‌ك ، دوو گۆرانیبێژییان له سویید را هێنا بوو یانی هه‌ر وه‌ك پییزای" توو فۆر وان" !!
جه‌ماوه‌ر كۆ بوونه‌وه و یه‌ك له له‌نده‌ن را ئه‌وه‌ی تر له ئۆتاوا، ئه‌وی تر نازانم له كوێ، هه‌موو روویان كرده شاری ئێمه بۆ جێژن ... ده‌ی منیش گوتم با بزانم نوێنه‌ری كۆمهڵهی كا عه‌ڵی چ ده‌ڵێ، به‌ڵكو كه‌مێك له‌م نه‌زانییه بێمه ده‌رێ!
بیستم ده‌ڵێ:
- هه‌موو ئه‌حزاب و سازمانه‌كان كه به وه‌جهێك واریدی جونبیشی ئازادیخوازی ئێران بوون....
- فێدێرالیزم مێكانیزمێكه بۆ رێك خستنه‌وه‌ی ته‌نه‌وۆعاتی میللی...
- مۆتالیباتی خه‌ڵكی كوردستان هه‌ر له ئێستاوه فۆرمووله ده‌كا..
- مه‌سائیل و ئیختیلافاتی سیاسی خۆیان...
- به له‌حازی به‌ینه‌لمیله‌لیش ئه‌نگۆ خۆتان شاهیدن...
.....
به‌خوا هه‌رچی كردم هیچ له وتاره‌كانی نه‌گه‌یشتم، هه‌ر چی كردم بۆ من نه‌كرا به كوردی یان به فارسی... به‌لام به گشتی حالی بووم كه ئه‌م براده‌رانه له سه‌ر ئه‌وه‌ی ساخ بوونه‌وه رێكخراوه‌كه‌یان نوێنه‌رایه‌تی كوردی رۆژهه‌ڵات بكات...
ده‌ی كاكه باشه كێ به‌خیله؟ فه‌رموون، به‌ڵام تۆ سه‌ری خۆتان هه‌وه‌ڵێ كوردییه‌كه‌تان ساخ كه‌نه‌وه!
....
كه‌مێك دواتر كاك ناسر(ره‌زازی) و كاك نه‌جمه(غوڵامی) هاتن و به‌خێرهاتنییان كردین و سه‌ره‌خۆشی كوژراوه‌كانی هه‌فته‌ی پێشووی هه‌وڵێریان لێ كردین وداوای یه‌ك ده‌قه بێده‌نگی بۆ رێز له ڕوحی قوربانییه‌كانیان كرد و رایانگه‌یاند له به‌ر ئه‌م كاره‌ساته هه‌ڵپه‌ركێمان نییه و هه‌ر سروودی كوردی و گۆرانی رۆمانس! بڵاو ده‌كرێته‌وه...
ده‌ی گوتمان باشه، به‌ڵكو هه‌لێك هه‌ڵكه‌وێ بێ هه‌را گوێ له موسیقای زیندوو بگرین...
دوو سێ گۆرانی خاوی ره‌زازی خه‌ریك بوو له گریانمان بكات و پێویست به ده‌سره بێ كه یه‌كجێ مۆسیقا گۆڕا و بوو به گۆڕانی به‌زم! كۆمه‌ڵێك گه‌نج ده‌ستی یه‌كییان گڕت و هه‌ڵپه‌ركێیان ده‌ست پێ كرد... هه‌ر هات و زۆر بوون و زۆر بوون و جێگا كه‌م هات... كاك ناسریش گۆرانێكه‌ی ته‌واو كرد و گووتی مادام داوای ئێمه نه‌چوو سه‌رێ، فه‌رموون هه‌ڵپه‌رن و هه‌ڵپه‌ركێ بكه‌ن به تیرێك له ناو چاوی دوژمنانی كورد!
جێگه‌یان فراوان كرده‌وه و گه‌ڕی هه‌ڵپه‌ركێ زۆرتر بوو! ئاخر كوا خه‌بات بێ هه‌ڵپه‌ركێ ده‌بێ! نوێنه‌ری كۆمه‌ڵه‌ش گوتی مادام وایه ئه‌ركی هه‌ڵپه‌ركێ له سه‌ر شانی خۆتانه و كۆمه‌ڵه به‌رپرس نییه.... خه‌ڵكیش گوتیان مادام رێی دوورمان كوتاوه و سه‌ره‌و 25$ مان داوه بێ هه‌ڵپه‌ركێ خه‌بات ناكه‌ێن و ناكه‌ێن!
ده‌ی ئه‌م جاره‌ش له سیاسه‌ت هیچ سه‌ره و به‌ره‌م ده‌ر نه‌كرد و با راوه‌ستیین بۆ ساڵێكی تر ئه‌وده‌مانه!
داده كه‌وێ به‌د عه‌مه‌لی كردووین، ده‌ڵێی پێش ئه‌و وێبڵاگئاوا نه‌بۆ و دوای ئه‌ویش نابێ! وه‌ك نووسه‌رێك ده‌ڵێ" دایكی هه‌موو داهێنان و دۆزینه‌وه نۆیه‌كانی مرۆڤ ته‌مه‌ڵییه! " هه‌ر مرۆڤ فێری شێوه‌یه‌كی هاسانتر بوو بۆ به‌رێوه‌بردنی كارێك ، زه‌حمه‌ته به شێوه كۆنه‌كان بتوانێ ده‌ست پێ بكاته‌وه!
ده‌ێ ئه‌وه‌ش به‌هانه!
چه‌ند شه‌و پێش بێ ئێوه ناخۆش چووم بۆ جێژنی كۆمه‌ڵه، حه‌فته‌یه‌ك پێش جێژنی كۆمه‌ڵه‌كه‌ی تر بوو و من نه‌متوانی بچم... چه‌ند ساڵه ئه‌م دووكۆمه‌ڵه‌یه كه من نازانم جیاوازیان چییه له‌م ناوچه‌یه دا شه‌ڕه هه‌ڵپه‌ركێیان هه‌یه( خوا بكا هه‌موو شه‌ڕێك هه‌ر ئاوا بێ!) . ئێمه‌ی جه‌ماوه‌ریش كه له‌م دووره دونیایه چاوه‌رێین شتێك بقه‌ومێ و له یه‌ك كۆ ببینه‌وه، هیچ فه‌رقی پێناكه‌ێن رێبه‌رایه‌تی و سیاسه‌تی ئه‌م حیزبانه چییه و چ ده‌ڵێن به‌س سازین بۆ هه‌ڵپه‌ركێ و دڵی هیچییان ناشكێنین و ده‌چین بۆ سه‌ردانی هه‌مویان... چون له سیاسه‌ته‌كانیان زۆر سه‌ره‌و به‌ره‌ی ده‌رناكه‌م كۆمه‌ڵه‌كان به ئه‌و كه‌سانه‌ی به‌خێر هاتنمان ده‌كه‌ن و پاره‌ی چوونه‌ژورمان لێ ده‌ستێنن ده‌ناسمه‌وه، یه‌كییان كۆمهڵهی كاك عه‌لییه و ئه‌وه‌ی تر هی كاك حامید... بێ گوومان چوون كاك عه‌لی و خاو خێزانی خوێن گه‌ڕمترن و رووخۆشتر، جێژنی كۆمهڵهی كاك عه‌لی به‌تینتره و ئاوه‌دانتر! ئه‌مسالیش كۆمهڵهی كاك عه‌لی بۆ ڕقه‌به‌رایه‌تی له جێی یه‌ك ، دوو گۆرانیبێژییان له سویید را هێنا بوو یانی هه‌ر وه‌ك پییزای" توو فۆر وان" !!
جه‌ماوه‌ر كۆ بوونه‌وه و یه‌ك له له‌نده‌ن را ئه‌وه‌ی تر له ئۆتاوا، ئه‌وی تر نازانم له كوێ، هه‌موو روویان كرده شاری ئێمه بۆ جێژن ... ده‌ی منیش گوتم با بزانم نوێنه‌ری كۆمهڵهی كا عه‌ڵی چ ده‌ڵێ، به‌ڵكو كه‌مێك له‌م نه‌زانییه بێمه ده‌رێ!
بیستم ده‌ڵێ:
- هه‌موو ئه‌حزاب و سازمانه‌كان كه به وه‌جهێك واریدی جونبیشی ئازادیخوازی ئێران بوون....
- فێدێرالیزم مێكانیزمێكه بۆ رێك خستنه‌وه‌ی ته‌نه‌وۆعاتی میللی...
- مۆتالیباتی خه‌ڵكی كوردستان هه‌ر له ئێستاوه فۆرمووله ده‌كا..
- مه‌سائیل و ئیختیلافاتی سیاسی خۆیان...
- به له‌حازی به‌ینه‌لمیله‌لیش ئه‌نگۆ خۆتان شاهیدن...
.....
به‌خوا هه‌رچی كردم هیچ له وتاره‌كانی نه‌گه‌یشتم، هه‌ر چی كردم بۆ من نه‌كرا به كوردی یان به فارسی... به‌لام به گشتی حالی بووم كه ئه‌م براده‌رانه له سه‌ر ئه‌وه‌ی ساخ بوونه‌وه رێكخراوه‌كه‌یان نوێنه‌رایه‌تی كوردی رۆژهه‌ڵات بكات...
ده‌ی كاكه باشه كێ به‌خیله؟ فه‌رموون، به‌ڵام تۆ سه‌ری خۆتان هه‌وه‌ڵێ كوردییه‌كه‌تان ساخ كه‌نه‌وه!
....
كه‌مێك دواتر كاك ناسر(ره‌زازی) و كاك نه‌جمه(غوڵامی) هاتن و به‌خێرهاتنییان كردین و سه‌ره‌خۆشی كوژراوه‌كانی هه‌فته‌ی پێشووی هه‌وڵێریان لێ كردین وداوای یه‌ك ده‌قه بێده‌نگی بۆ رێز له ڕوحی قوربانییه‌كانیان كرد و رایانگه‌یاند له به‌ر ئه‌م كاره‌ساته هه‌ڵپه‌ركێمان نییه و هه‌ر سروودی كوردی و گۆرانی رۆمانس! بڵاو ده‌كرێته‌وه...
ده‌ی گوتمان باشه، به‌ڵكو هه‌لێك هه‌ڵكه‌وێ بێ هه‌را گوێ له موسیقای زیندوو بگرین...
دوو سێ گۆرانی خاوی ره‌زازی خه‌ریك بوو له گریانمان بكات و پێویست به ده‌سره بێ كه یه‌كجێ مۆسیقا گۆڕا و بوو به گۆڕانی به‌زم! كۆمه‌ڵێك گه‌نج ده‌ستی یه‌كییان گڕت و هه‌ڵپه‌ركێیان ده‌ست پێ كرد... هه‌ر هات و زۆر بوون و زۆر بوون و جێگا كه‌م هات... كاك ناسریش گۆرانێكه‌ی ته‌واو كرد و گووتی مادام داوای ئێمه نه‌چوو سه‌رێ، فه‌رموون هه‌ڵپه‌رن و هه‌ڵپه‌ركێ بكه‌ن به تیرێك له ناو چاوی دوژمنانی كورد!
جێگه‌یان فراوان كرده‌وه و گه‌ڕی هه‌ڵپه‌ركێ زۆرتر بوو! ئاخر كوا خه‌بات بێ هه‌ڵپه‌ركێ ده‌بێ! نوێنه‌ری كۆمه‌ڵه‌ش گوتی مادام وایه ئه‌ركی هه‌ڵپه‌ركێ له سه‌ر شانی خۆتانه و كۆمه‌ڵه به‌رپرس نییه.... خه‌ڵكیش گوتیان مادام رێی دوورمان كوتاوه و سه‌ره‌و 25$ مان داوه بێ هه‌ڵپه‌ركێ خه‌بات ناكه‌ێن و ناكه‌ێن!
ده‌ی ئه‌م جاره‌ش له سیاسه‌ت هیچ سه‌ره و به‌ره‌م ده‌ر نه‌كرد و با راوه‌ستیین بۆ ساڵێكی تر ئه‌وده‌مانه!
۱۳۸۲/۱۱/۱۷
۱۳۸۲/۱۱/۱۵
چه‌ند رۆژ له لای ئه‌م خانمه شیرینه بووم كه تازه له دایك بۆت، نازانم دونیای پێ خۆش ده‌بێ یا نا به‌ڵام بوونی بۆ ئێمه خۆشه... هێشتا نه‌بوو به 5 رۆژ له ژێر سه‌ری باسی كوشتن و ته‌قینه‌وه و قوڕبان و قوڕبانی كرا... ڕه‌نگه ئه‌گه‌ر تێگه‌یشتبا به گریان ده‌گه‌ڕاوه بۆ ئه‌م شوێنه‌ی لێی هاتبوو...
له‌مێژه ئه‌مه بۆ من بۆته پرسیار كه بڵێی چ باوه‌رێك، چ روانگه‌یه‌ك، چ شتێك ئه‌وه‌نده پیرۆز بێ كه مرۆڤ بۆی بمرێ؟ كه مرۆڤ له به‌ر ئه‌و كه‌سێك بكوژێ؟ ... به لای منه‌وه هیچ شتێك ئه‌وه‌نده پیرۆز نییه... ڕه‌نگه هی بێ باوه‌ڕی من بێ، ڕه‌نگه له مرۆڤ پیرۆزتر هیچ شتێكم پێ شك نایه، ڕه‌نگه هی ئه‌وه‌ی بێ كاتێك مناڵێك له دایك ده‌بێ زه‌خت و ناخۆشی بوون و گه‌وڕه‌كردنیم زۆر له به‌ر گه‌وڕه و پیرۆزه... به‌ڵام هی ئه‌وه‌ی نییه گیان خۆشه‌ویست و ترسه‌نۆك بم...
كه باسی ئیمان ده‌كه‌ن ناوی ئیبراهیم دێنن ...ده‌ڵێن ئیبراهیم زۆر تامه‌زرووی مناڵ بوو و دوای ئه‌وه‌ی هاجه‌ری به‌س بۆ مناڵ بوون خواست و مناڵی بوو، كه‌وته به‌ر داوای خوایه‌ك كه گۆیا زانا و عاڵمی هه‌موو رازێكه، كه مناڵه‌كه‌ی ئاوا به ئاوات بوو بۆی له رێی ئه‌و دا قوڕبانی بكات... وه‌ك ده‌ڵێن ئیبراهیم سه‌ری له به‌ر ئه‌مری خوا دانواند و سمایلی كوڕی دانا بۆ قوڕبانی كردن... ئاوا ئیبراهیم بوو به نوێنه‌ر و نیشانه‌ی ئیمان و باوه‌ر و هه‌رچی شتی قۆڕیتره...
ئه‌م چیرۆكه سه‌رنجی زۆركه‌س راده‌كێشێ، هی كابرای خواپه‌ره‌ست و كافر، هی كابرای سۆفی و ده‌روێش، هی عاریف و شاعیر... به‌س هه‌میشه بۆ من چیرۆكێكی ترسناك و بێتام بۆ و به راست لێی ترساوم، له‌م شێوه بیر و بۆچوونه هه‌میشه ترساوم...
نازانم بۆ ئه‌م خوایه زانایه‌ی هه‌موو ئه‌سرار پێویستی به ئه‌م ئازموونه بوو؟ مه‌گه‌ر خۆی نه‌ێده‌زانی ئیبراهیم چۆنه؟ له‌م ناوه‌دا هاجه‌ری قوڕبه‌سه‌ر بۆ كه‌س به حیسابی نه‌‌هێنا كه به چه‌رمه‌سه‌رێوه مناڵی بوو؟ كێ ده‌ڵێ ئیبراهیم حه‌قی زۆرتر له هاجه‌ره‌وه به سه‌ر ئه‌و مناڵه‌وه هه‌بۆ؟ خوا؟ خۆێ؟ یان بێژه‌ری چیرۆك؟
بڵێی ئه‌وه‌ی رۆژی قوڕبان خۆێ و عاڵه‌مێكی تری ته‌قاندۆته‌وه ئه‌م چیرۆكه هه‌ڵیفریواندووه یان شتێكی تر؟... بێ گومان هه‌ر باوه‌رێكی هه‌بووبێت، مێشكی رزاندووه و هیچ رێزێكی بۆ گیانی ئه‌م مرۆڤانه‌ی كوشتوونی نه‌بووه...
پێشنیارێكم هه‌یه بۆ ئه‌وانه‌ی تامه‌زرووی ئیبراهیم بوونن و زۆرییان حه‌ز له مردن له رێی خوادا هه‌یه، ساڵێكیتر ئه‌وده‌مانه رۆژی جێژنی قوربان هه‌موو له مه‌كه‌ی مونه‌وه‌ره دا كۆ ببنه‌وه و به‌یه‌كه‌وه خۆیان بته‌قێننه‌وه... شه‌رت بێ یه‌كراست بچن بۆ به‌هه‌شت و قه‌ت نه‌گرێنه‌وه! هه‌م خۆیان ده‌چن بۆ به‌هه‌شت هه‌م ئه‌م دونیا گڵاوه بۆ ئێمه جێ دێڵن! هه‌ڵبه‌ت ئه‌منتر!
اشتراک در:
پست‌ها (Atom)